विश्व अर्थतन्त्र एक दशक यताकै सुस्तः आईएमएफ

अर्थ

गृहपृष्ठ
अर्थ
विश्व अर्थतन्त्र एक दशक यताकै सुस्तः आईएमएफ

विश्व अर्थतन्त्र एक दशक यताकै सुस्तः आईएमएफ

बुधबार, असोज २९, २०७६ बागेश्वरी पोस्ट

वाशिङटन । अन्तर्राष्ट्रिय मुद्रा कोष (आईएमएफ)ले विश्वभरीकै अर्थतन्त्र सुस्त रहेको जनाएको छ । यो अवस्था एक दशक पहिला भएको वित्तीय संकटपछि पहिलोपटक भएको जनाइएको छ । आईएमएफले मंगलबार जारी गरेको वर्ल्ड इकोनोमिक आउटलुक रिपोर्टमा सो कुरा उल्लेख छ । आईएमएफका अनुसार यो वर्ष विश्वभरको अर्थव्यवस्था ३ प्रतिशतले मात्रै विकास हुने जनाइएको छ ।

भारतमा यसपालि विकासदर घटेर ६.१ प्रतिशत हुने जनाइएको छ । यसअघि गएको अप्रिलमा आईएमएफले नै भारतको आर्थिक बृद्धि ७.३ प्रतिशत हुने अनुमान गरेको थियो । २०२०–२१ मा भने भारतको आर्थिक बृद्धिमा केही सुधार आउन सक्ने सो रिपोर्टमा उल्लेख छ ।
आईएमएफले चीनको आर्थिक बृद्धि ६.१ प्रतिशत र सन् २०२० मा ५.८ प्रतिशत हुने अनुमान गरेको छ ।

२०१८ मा चीनको आर्थिक बृद्धिदर ६.६ प्रतिशत रहेको थियो । विश्वव्यापी रुपमा आर्थिक बृद्धि यसपालि ३ प्रतिशत र २०२०मा ३.४ प्रतिशत हुन सक्ने अनुमान गरिएको छ ।

आइएमएफले विश्वव्यापी रुपमा आर्थिक बृद्धि कमजोर हुनुमा विश्वव्यापी व्यापारमा गिरावट, आयात करमा बृद्धि र उत्पादन सम्बन्धी समस्यालाई कारक मानेको छ । आईएमएफले अर्थव्यवस्थामा आएको सुस्तताका कारण विश्वका ९० प्रतिशत देशमा यसको असर पर्ने समेत आकलन गरेको छ । (बीबीसी)

प्रकाशित मिति: बुधबार, असोज २९, २०७६ १७:११