सुदूरपश्चिमका मुख्यमन्त्रीले आज विश्वासको मत लिने दिनमा नागरिक उन्मुक्तिका सांसदहरु काठमाडौंमा

राजनीति

गृहपृष्ठ
राजनीति
सुदूरपश्चिमका मुख्यमन्त्रीले आज विश्वासको मत लिने दिनमा नागरिक उन्मुक्तिका सांसदहरु काठमाडौंमा

सुदूरपश्चिमका मुख्यमन्त्रीले आज विश्वासको मत लिने दिनमा नागरिक उन्मुक्तिका सांसदहरु काठमाडौंमा

बिहीबार, माघ २६, २०७९ बागेश्वरी पोस्ट

नेपालगन्ज । आज सुदूरपश्चिम प्रदेश मुख्यमन्त्री राजेन्द्रसिंह रावलले विश्वासको मत लिने तयारी गरेपनि नागरिक उन्मुक्ति पार्टीका प्रदेश सभा सदस्यहरू भने काठमाडौं गएका छन् ।

नागरिक उन्मुक्ति पार्टीले विश्वासको मत नदिने भएपछि एमाले नेतृत्वको सुदूरपश्चिम सरकार संकटमा परेको छ । प्रदेश सभामा नाउपाका ७ सांसद छन् । अहिलेकै अवस्थामा उनीहरूको समर्थनबिना रावललाई विश्वासको मत पुग्दैन ।

प्रदेश सभाको बैठक आज दिउँसो १ बजेका लागि बोलाइएको छ । आज विश्वासको मत नपाए रावल नेतृत्वको सरकार ढल्नेछ । उनी गत पुस २७ गते मुख्यमन्त्री नियुक्त भएका थिए ।काठमाडौंमा रहेका नाउपाका सांसदहरूले शुक्रबार मात्रै धनगढी फर्किने बताएका छन् । नाउपा संसदीय दलका नेता रामेश्वर चौधरीले आफूहरू प्रदेश सरकार गठनमा सहभागी नहुने बताए ।

५३ सदस्यीय प्रदेश सभामा कुनै पनि दलको एकल बहुमत छैन । मुख्यमन्त्रीलाई बहुमत सिद्ध गर्न २७ मत आवश्यक पर्छ । प्रदेश सभामा एमालेका १०, माओवादी केन्द्रका सभामुखबाहेक १०, र राप्रपाका १ सांसद छन् । विपक्षमा रहेको नेपाली कांग्रेसका १९, नेकपा (एकीकृत समाजवादी) का ४ र १ स्वतन्त्र सदस्य छन् ।

प्रकाशित मिति: बिहीबार, माघ २६, २०७९ १२:०१