तनहुँ-१ मा स्वर्णिम वाग्ले लगभग जित नजिक, भारी मतान्तरले अगाडि

राजनीति

गृहपृष्ठ
राजनीति
तनहुँ-१ मा स्वर्णिम वाग्ले लगभग जित नजिक, भारी मतान्तरले अगाडि

तनहुँ-१ मा स्वर्णिम वाग्ले लगभग जित नजिक, भारी मतान्तरले अगाडि

सोमबार, वैशाख ११, २०८० बागेश्वरी पोस्ट

नेपालगन्ज । तनहुँ -१ बाट उम्मेदवार बनेका स्वर्णिम वाग्ले भारी मतान्तरले अगाडि छन् । उनको जित निश्चित बनिसकेको छ।

प्रतिनिधि सभा उपनिर्वाचन अन्तर्गत तनहुँ-१ जारी मतगणनामा ४५ हजार ६१४ मत गन्दासम्म राष्ट्रिय स्वतन्त्र पार्टी (रास्वपा)का उम्मेदवार डा. स्वर्णिम वाग्लेले दोब्बर मतले अग्रता कायमै गरेका छन् ।

स्वर्णिमले २४४०६ मत पाउँदा निकटतम प्रतिस्पर्धी नेपाली कांग्रेसका भट्टराईले १४१८२ मत मात्रै पाएका छन्। वाग्ले कांग्रेसका गोविन्द भन्दा १०२२४ मतले अगाडि छन् ।

तेस्रो स्थानका नेकपा एमालेका उम्मेदवार सर्वेन्द्र खनालले ७०२६ मतमात्र पाएका छन् ।

त्यस क्षेत्रको मतगणनामा सुरुदेखि नै वाग्लेले अग्रता कायम गरिरहेका छन् । तनहुँ १ को ४२ वडामा ६३ हजार सात सय ५७ मत खसेको थियो ।

प्रकाशित मिति: सोमबार, वैशाख ११, २०८० २०:३०