आज काठमाडौंमा कांग्रेस जिल्ला सभापतिहरुको बैठक बस्दै

राजनीति

गृहपृष्ठ
राजनीति
आज काठमाडौंमा कांग्रेस जिल्ला सभापतिहरुको बैठक बस्दै

आज काठमाडौंमा कांग्रेस जिल्ला सभापतिहरुको बैठक बस्दै

बिहीबार, असार २१, २०८० बागेश्वरी पोस्ट

नेपालगन्ज । आजदेखि नेपाली काँग्रेसका जिल्ला सभापतिहरुको सामूहिक बैठक बस्दैछ । पार्टी केन्द्रीय कार्यालय सानेपा वीपीनगरमा जिल्ला सभापतिहरूको बैठक बस्न लागेको हो ।

बैठकका एजेन्डाहरुमा क्रियाशील सदस्यता र सदस्यताको वितरण, नवीकरण र अभिलेखीकरण, पार्टीका विभिन्न तहका सम्मेलन, पार्टी संचालन तथा व्यवस्थापनलगायत अन्य विविध सांगठनिक विषय रहेको काँग्रेस महामन्त्री गगनकुमार थापाले लेखेको पत्रमा उल्लेख छ । बैठक १ बजे सुरु हुनेछ ।

जिल्ला सभापतिहरुलाई लेखेको पत्रमा विवरणसहित उपस्थित हुन समेत निर्देशन दिइएको छ ।

यो बैठकले कांग्रेसलाई चलायमान बनाउने विश्वास केन्द्रको छ । यो बैठक बस्ने भएपछि नै हिजो पदाधिकारी बैठक बसेर केन्द्रीय समिति बैठक डाक्न दबाब पुगेको हो ।

प्रत्येक दुई महिनामा केन्द्रीय समिति बैठक बस्नुपर्ने भए पनि संस्थापनले वास्ता नगरेपछि अहिले मात्र दबाब परेको हो ।

हिजो बसेको पदाधिकारी बैठकले आगामी असार २७ गते केन्द्रीय कार्यसमितिको बैठक बोलाएको छ । यो बैठकले एक वर्षदेखि सुस्ताएको काँग्रेसको केन्द्रीय समिति पनि सक्रिय हुने अपेक्षा गरिएको छ ।

कांग्रेसको संस्थापन इतर पक्षले पटक पटक बैठक डाक्न आह्वान गरेको भए पनि नेतृत्वले नचाहेकाले एक वर्षपछि बल्ल केन्द्रीय कार्यसमिति बैठक बस्न लागेको हो ।

प्रकाशित मिति: बिहीबार, असार २१, २०८० ०८:२५