कोशी सरकारमा प्रचण्डका कान्छा ज्वाइँ जीवनसहित तीन जना मन्त्री नियुक्त

राजनीति

गृहपृष्ठ
राजनीति
कोशी सरकारमा प्रचण्डका कान्छा ज्वाइँ जीवनसहित तीन जना मन्त्री नियुक्त

कोशी सरकारमा प्रचण्डका कान्छा ज्वाइँ जीवनसहित तीन जना मन्त्री नियुक्त

नेकपा एस रुष्ट

आइतबार, असार २४, २०८० बागेश्वरी पोस्ट

विराटनगर । कोशी प्रदेशका मुख्यमन्त्री उद्धव थापाले आज दोस्रो पटक मन्त्रिपरिषद् विस्तार गरेका छन् ।

मुख्यमन्त्री थापाले माओवादी केन्द्रबाट जीवन आचार्य र राजेन्द्र कार्की र कांग्रेसबाट रामकुमार खत्रीलाई मन्त्री नियुक्त गरेका छन् ।

मुख्यमन्त्री थापाले आचार्यलाई आर्थिक मामिला तथा योजना मन्त्रीमा नियुक्त भएका छन् भने कार्की र खत्रीको मन्त्रालयको टुंगो लागेको छैन ।

यसपटक पनि मन्त्री बनेका आचार्य यसअघिको हिक्मत कार्की नेतृत्वको सरकारमा पर्यटन मन्त्री थिए । आचार्य प्रधानमन्त्री पुष्पकमल दाहाल 'प्रचण्ड' का कान्छा ज्वाइँ हुन् ।

यसअघि मुख्यमन्त्री थापाले शुक्रबार कांग्रेसबाट प्रदीप सुनुवार र नेकपा समाजवादीबाट कमल जवेगुलाई विना बिभागीय मन्त्री नियुक्त गरेका थिए ।

सत्ता गठबन्धनबाट सुरुमा एक-एक जना मन्त्री नियुक्त गर्ने सहमति हुँदाहुँदै कांग्रेस र माओवादीबाट दुई-दुई जना मन्त्री नियुक्त गर्ने भएपछि नेकपा एस रुष्ट बन्दै सपथ कार्यक्रम वहिष्कार गर्ने जनाएको छ ।

प्रकाशित मिति: आइतबार, असार २४, २०८० १०:२७