लुम्बिनी प्रदेश सभा बैठक आज बस्दै

राजनीति

गृहपृष्ठ
राजनीति
लुम्बिनी प्रदेश सभा बैठक आज बस्दै

लुम्बिनी प्रदेश सभा बैठक आज बस्दै

बिहीबार, भदौ २१, २०८० बागेश्वरी पोस्ट

भालुवाङ (दाङ) । लुम्बिनी प्रदेश सभा आज बस्दैछ । प्रदेश सभा एक महिनापछि आज दिउँसो १२ बजे बस्न लागेको हो ।

आजको प्रदेश सभामा लुम्बिनी सरकारले ‘प्रदेश निजामती सेवाको गठन, सञ्चालन र सेवाका सर्त सम्बन्धमा व्यवस्थापन गर्न बनेको विधेयक’ अगाडि बढाउने तयारी गरेको बताइएको छ ।

लुम्बिनी प्रदेश मामिला तथा कानून समितिका ज्येष्ठ सदस्य सुधाखर पाण्डेयले उक्त विधेयकको विषयमा बनेको प्रतिवेदन प्रदेश सभामा पेश गर्ने तालिका रहेको छ ।

त्यस्तै आजको प्रदेश सभामा विभिन्न विषयगत समितिका सदस्यहरुको नाम हेरफेरसम्बन्धि जानकारी, प्रदेश प्रमुखको कार्यालयबाट प्रमाणीकरण भएका विधेयकबारे सभामुखले जानकारी गराउने र शून्य समयमा सांसदहरुले बोल्ने कार्यक्रम रहेको प्रदेश सभा सचिवालयले जानकारी दिएको छ ।

प्रकाशित मिति: बिहीबार, भदौ २१, २०८० ०९:५९