एक जनाले पाँच जनाको मत हाल्न पाउनुपर्ने अडानपछि मतदान भोलीसम्म स्थगित !

राजनीति

गृहपृष्ठ
राजनीति
एक जनाले पाँच जनाको मत हाल्न पाउनुपर्ने अडानपछि मतदान भोलीसम्म स्थगित !

एक जनाले पाँच जनाको मत हाल्न पाउनुपर्ने अडानपछि मतदान भोलीसम्म स्थगित !

बिहीबार, मंसिर ९, २०७८ बागेश्वरी पोस्ट

नेपालगन्ज । नेपाली कांग्रेस बाँके संघीय निर्वाचन क्षेत्र नम्बर २ को मतदान भोलीसम्मलाई स्थगित गरिएको छ । आज विहान ९ बजेदेखि मतदान सुरु गर्ने समयतालिका थियो । तर, मतदाताहरु मतदान गर्न नपाएर फर्किएका छन् ।

मत हाल्न भेरी प्राविधिक शिक्षालय पुगेका मतदाता निराश भएर फर्केका छन् । दुई प्यानल बनाएर चुनावी प्रतिष्पर्धामा उत्रिएका नेताहरु सामान्य कुरामा टसमस नभएपछि निर्वाचन आज हुन सकेन ।

एक जनाले पाँच जनाको मत हाल्न पाउनुपर्ने रमेश कुमार गुप्ता प्यानलको अडानपछि मतदान अनिश्चित बनेको हो । विरेन्द्र कुमार शाह प्यानलले भने अशक्त, निरक्षर र अपांगता भएका मतदाताहरुको मत आवश्यकताका आधारमा हाल्ने बाहेक अरु हुन नसक्ने बताएको छ ।

विधानमा भएको व्यवस्थालाई टेक्दै निर्वाचन अगाडि बढाउन शाह प्यानलले भनेको छ । गुप्ता प्यानल भने ५ जनाको मत एकै जना वा त्यो नभए २ जनासम्मको मत एक जनाले हाल्न पाउनुपर्ने अडानमै छ । यस विषयमा सहमति नहुँदा निर्वाचन समितिले भोली विहान ९ बजेदेखि मतदान गर्ने गरी आजलाई मतदान स्थगित गरेको सूचना प्रवाह गरेपछि मतदाता घर फर्किएका छन् ।

प्रकाशित मिति: बिहीबार, मंसिर ९, २०७८, १६:२१:००