प्रदेश नं २ कांग्रेस अधिबेशनमा ५ जना सदस्य निर्विरोध निर्वाचित

राजनीति

गृहपृष्ठ
राजनीति
प्रदेश नं २ कांग्रेस अधिबेशनमा ५ जना सदस्य निर्विरोध निर्वाचित

प्रदेश नं २ कांग्रेस अधिबेशनमा ५ जना सदस्य निर्विरोध निर्वाचित

बुधबार, पुस ७, २०७८ बागेश्वरी पोस्ट

नेपालगन्ज । नेपाली कांग्रेसको १४औं महाधिवेशन अन्तर्गत् विवादका कारण रोकिएको प्रदेश नम्बर २ को अधिबेशन आजबाट सुरु भएको छ । धनुषाको जनकपुरधाममा जारी नेपाली कांग्रेस प्रदेश २ को अधिवेशनमा पाँच जना सदस्य निर्विरोध निर्वाचित भएका छन् ।

जिल्ला र समावेशी सूची अन्तर्गतको निर्धारित कोटामा एक-एक जनाको मात्र उम्मेद्वारी परेकाले पाँच जना सदस्य पदमा निर्विरोध निर्वाचित भएको प्रदेश निर्वाचन समितिले जनाएको छ ।

जिल्लाबाट प्रदेश सदस्य खुल्लामा सप्तरीका आशाराम चौधरी, महिला सदस्यमा सप्तरीकी बिमलादेवी साह, महोत्तरीकी उषा देवकोटा र पर्साकी किरणकुमारी शर्मा निर्विरोध भएको निर्वाचन समितिका संयोजक प्रह्लाद गौतमले जानकारी दिए । त्यस्तै प्रदेश सदस्य आदिवासी जनजातिबाट मनमाया तामाङ निर्विरोध भएको निर्वाचन संयोजक गौतमले बताए ।

प्रकाशित मिति: बुधबार, पुस ७, २०७८ १५:२८