महिला स्वास्थ्य स्वयंसेविकाद्वारा नगरप्रमुख विष्ट र उपप्रमुख राईलाई सहयोग गर्ने प्रतिबद्धता

राजनीति

गृहपृष्ठ
राजनीति
महिला स्वास्थ्य स्वयंसेविकाद्वारा नगरप्रमुख विष्ट र उपप्रमुख राईलाई सहयोग गर्ने प्रतिबद्धता

महिला स्वास्थ्य स्वयंसेविकाद्वारा नगरप्रमुख विष्ट र उपप्रमुख राईलाई सहयोग गर्ने प्रतिबद्धता

आइतबार, वैशाख १८, २०७९ बागेश्वरी पोस्ट

नेपालगन्ज । नेपालगन्जका महिला स्वास्थ्य स्वयंसेविकाहरुले काँग्रेस र जसपाबीचको गठबन्धनबाट नेपालगन्ज उपमहानगरपालिकामा नगरप्रमुख र उपप्रमुखलाई सहयोगको प्रतिबद्धता जनाएका छन् ।

नेपालगन्जमा आयोजित महिला स्वास्थ्य स्वयंसेविकासँगको अन्तरक्रियामा उनीहरुले नगरप्रमुख पदका उम्मेदवार प्रशान्त विष्ट र उपप्रमुख पदका उम्मेदवार कमरुद्दिन राईलाई सहयोग गर्ने प्रतिबद्धता जनाएका हुन् ।

महिला स्वास्थ्य स्वयंसेविकाहरुले आफूहरुले झेल्दै आएका समस्या समेत उम्मेदवारहरुमाझ राखेका थिए । त्यसक्रममा नगर प्रमुख पदका उम्मेदवार विष्टले महिला स्वास्थ्य स्वयंसेविकाहरुले घरघरमा पुगेर स्वास्थ्य क्षेत्रमा पुर्याएको योगदानको उच्च सम्मान गरे । उनले महिला स्वास्थ्य स्वयंसेविकाहरुका समस्याप्रति आफू गम्भीर रहेको भन्दै विजयी भए ती समस्यालाई सम्वोधन गरिने बताए ।

यस्तै उपप्रमुख पदका उम्मेदवार राईले स्वास्थ्य सेवाको पहुँचलाई विस्तार गर्न र गुणस्तरीय स्वास्थ्य सेवा प्रदान गर्न स्वयंसेविकाहरुको सेवा सुविधालाई बढाउनुको विकल्प नभएको बताए । उनले उपप्रमुख पदमा निर्वाचित भए महिला स्वास्थ्य स्वयंसेविकाहरुको समस्या समाधान गर्ने प्रतिबद्धता जनाए ।

प्रकाशित मिति: आइतबार, वैशाख १८, २०७९ १६:२५

प्रतिक्रिया दिनुहोस्