नेकपा एसका नवनियुक्त मन्त्रीहरुले लिए शपथ

राजनीति

गृहपृष्ठ
राजनीति
नेकपा एसका नवनियुक्त मन्त्रीहरुले लिए शपथ

नेकपा एसका नवनियुक्त मन्त्रीहरुले लिए शपथ

सोमबार, असार १३, २०७९ बागेश्वरी पोस्ट

नेपालगन्ज । नेकपा एकीकृत समाजवादीका नवनियुक्त मन्त्रीहरुले पद तथा गोपनियताको शपथ ग्रहण गरेका छन् ।

राष्ट्रपति कार्यालय शितलनिवासमा नवनियुक्त मन्त्रीहरूलाई राष्ट्रपति विद्यादेवी भण्डारीले सोमबार बिहान शपथ ग्रहण गराएकी हुन् । जसअनुसार जीवनराम श्रेष्ठ संस्कृति, पर्यटन तथा नागरिक उड्ययन, मेटमणि चौधरी शहरी विकास, भवानीप्रसाद खापुङ स्वास्थ्य तथा जनसंख्या, शेरबहादुर कुँवर श्रम रोजगार तथा सामाजिक सुरक्षा र हिराचन्द्र केसीले स्वास्थ्य तथा जनसंख्या राज्यमन्त्रीमा नियुक्त भएसँगै पाँचै जनाले शपथ ग्रहण गरेका हुन् ।

राज्यमन्त्री केसीलाई भने प्रधानमन्त्री शेरबहादुर देउवाले शपथ गराए । खापुङ भने यसअघि स्वास्थ्य राज्यमन्त्री थिए । उनको पदोन्नति हुँदा पर्यटनमन्त्री प्रेम आले, स्वास्थ्य तथा जनसङ्ख्या मन्त्री विरोध खतिवडा, शहरी विकास मन्त्री रामकुमार झाँक्री र श्रम, रोजगार तथा सामाजिक सुरक्षा मन्त्री कृष्णकुमार श्रेष्ठ फिर्ता भएका छन् ।

शपथ ग्रहण कार्यक्रममा राष्ट्रपति भण्डारी‚ उपराष्ट्रपति नन्दकिशोर पुन‚ प्रधानमन्त्री शेरबहादुर देउवा‚ सभामुख अग्निप्रसाद सापकोटा लगायतको उपस्थिति थियो ।

प्रकाशित मिति: सोमबार, असार १३, २०७९ १४:०४

प्रतिक्रिया दिनुहोस्