सुन तस्करी प्रकरणको अनुसन्धान प्रतिवेदन आज बुझाउँदै सीआईबी

सुरक्षा-अपराध

गृहपृष्ठ
सुरक्षा-अपराध
सुन तस्करी प्रकरणको अनुसन्धान प्रतिवेदन आज बुझाउँदै सीआईबी

सुन तस्करी प्रकरणको अनुसन्धान प्रतिवेदन आज बुझाउँदै सीआईबी

बुधबार, भदौ २७, २०८० बागेश्वरी पोस्ट

काठमाडौँ । नेपाल प्रहरीको केन्द्रीय अनुसन्धान ब्युरो (सीआईबी) ले आज ६० किलो ७१६ ग्राम सुन तस्करी प्रकरणको अनुसन्धान प्रतिवेदन बुझाउँदैछ ।

सीआईबीले आज जिल्ला सरकारी वकिल कार्यालयमा उक्त सुन प्रकरणको रायसहित अनुसन्धान प्रतिवेदन बुझाउन लागेको हो ।

सीआईबीले सुन प्रकरणमा आरोपीविरुद्ध सङ्गठित अपराध, सुन चोरी पैठारी र राष्ट्र बैंक ऐनअन्तर्गत कसुरमा मुद्दा चलाउने राय दिने तयारी छ ।

सुन तस्करी प्रकरणको अनुसन्धान भदौ ३१ गते ६० दिन पुग्ने हुँदा सो मितिसम्ममा सरकारी वकिललाई तीन दिन मिसिल अध्ययनको समय पाउने गरी आज प्रतिवेदन बुझाउने मिति तय गरिएको हो ।

गत साउन ३ गते हङकङबाट ब्रेक शुमा हालेर ल्याइएको सुनलाई राजस्व अनुसन्धान विभागको टोलीले सिनामङ्गलस्थित भन्सार कार्यालय बाहिरबाट बरामद गरेको थियो ।

सुन तस्करी प्रकरणमा अहिलेसम्म प्रहरीले ३१ जनालाई पक्राउ गरेकामा स्वास्थ्यका कारण एक जना हिरासत बाहिर रहे पनि ३० जना प्रहरी नियन्त्रणमा छन् । पक्राउ परेकामा भन्सार कार्यालयका कर्मचारीसहित नेपाल, भारत र चिनियाँ नागरिक पनि रहेका छन् । उक्त प्रकरणमा भन्सार एजेन्ट र सुन व्यापारीसमेत मुछिएका छन् ।

सुन बरामद गरेपछि १८ दिन लाएर राजस्व अनुसन्धान अनुसन्धानको जिम्मा सीआईबीलाई दिएको थियो ।

प्रकाशित मिति: बुधबार, भदौ २७, २०८० ०८:०८

प्रतिक्रिया दिनुहोस्