लागूऔषध कसुरका एक फरार प्रतिवादी पक्राउ

सुरक्षा-अपराध

गृहपृष्ठ
सुरक्षा-अपराध
लागूऔषध कसुरका एक फरार प्रतिवादी पक्राउ

लागूऔषध कसुरका एक फरार प्रतिवादी पक्राउ

बुधबार, माघ १२, २०७८ बागेश्वरी पोस्ट

नेपालगन्ज । जिल्ला प्रहरी कार्यालय बाँकेले लागू औषध कसुरका एक जना फरार प्रतिवादीलाई पक्राउ गरेको छ ।

जिल्ला अदालत बाँकेबाट लागू औषध मुद्दामा ४ महिना २४ दिन जेल सजाय पाएर फरार भएका नेपालगन्ज १४ का ३८ बर्षीय अजिज खाँलाई जिल्ला प्रहरी बाँकेबाट खटिएको टोलीले मंगलबार पक्राउ गरेको बाँके प्रहरी प्रमुख एसपी श्याम कृष्ण अधिकारीले जानकारी दिएका छन् ।

२०७८ असार १२ गते बाँके जिल्ला अदालतको फैसलाबाट जेल सजाय सुनाइएका खाँ फरार रहँदै आएको अवस्थामा प्रहरीको टोलीले सिमा नाकामा लुकिछिपी बस्दै आएको अवस्थामा पक्राउ गरेको एसपी अधिकारीले बताए ।

पक्राउ परेका खाँलाई आबश्यक कारबाहीका लागि जिल्ला अदालत बाँके बुझाइएको एसपी अधिकारीले जानकारी दिएका छन् ।

प्रकाशित मिति: बुधबार, माघ १२, २०७८ ११:३१

प्रतिक्रिया दिनुहोस्