डिजेल र मट्टितेलमा ४ रुपैयाँ घट्दा, पेट्रोलको मूल्य यथावत

अर्थ

गृहपृष्ठ
अर्थ
डिजेल र मट्टितेलमा ४ रुपैयाँ घट्दा, पेट्रोलको मूल्य यथावत

डिजेल र मट्टितेलमा ४ रुपैयाँ घट्दा, पेट्रोलको मूल्य यथावत

बुधबार, कात्तिक १५, २०८० बागेश्वरी पोस्ट

काठमाडौँ । नेपाल आयल निगमले डिजेल र मट्टितेलको मूल्य घटाएको छ । निगमले दुवैमा समान प्रतिलिटर ४ रुपैयाँ घटाएको हो ।

निगमले विज्ञप्ति जारी गर्दै गएराति १२ बजेपछि लागू हुने गरी डिजेल र मट्टितेलको भाउ प्रतिलिटर ४ रुपैयाँले घटाएको हो ।

निगमले स्वचालित प्रणाली अनुसार मूल्य समायोजन गरिएको जनाएको छ । सो अनुसार अब काठमाडौँ उपत्यकामा डिजेल र मट्टितेलको भाउ प्रतिलिटर १६४ रुपैयाँ पर्नेछ ।

निगमले पेट्रोल र एलपी ग्यासको मूल्य भने यथावत रहेको जनाएको छ । जस अनुसार पेट्रोलको १६९.५० रुपैयाँदेखि १७२ रुपैयाँसम्म तोकिएको छ । त्यस्तै एलपी ग्यासको १८९५ रुपैयाँ रहेको छ ।

निगमले यसअघि दशैँलाई ध्यानमा राखेर एकैपटक असोज २८ गते पेट्रोलको भाउ प्रतिलिटर ११ रुपैयाँ घटाएको थियो ।

प्रकाशित मिति: बुधबार, कात्तिक १५, २०८० ०७:४०

प्रतिक्रिया दिनुहोस्