नेपालगन्जमा शनिबार चलाइएका २० बढी सरकारी गाडी अनेरास्ववियुको नियन्त्रणमा

स्थानीय

गृहपृष्ठ
स्थानीय
नेपालगन्जमा शनिबार चलाइएका २० बढी सरकारी गाडी अनेरास्ववियुको नियन्त्रणमा

नेपालगन्जमा शनिबार चलाइएका २० बढी सरकारी गाडी अनेरास्ववियुको नियन्त्रणमा

शनिबार, भदौ १६, २०८० बागेश्वरी पोस्ट

नेपालगन्ज । सार्वजनिक बिदाका दिन सरकारी सवारीसाधन दुरुपयोग गरेको भन्दै नेपालगन्जमा सरकारी गाडी सञ्चालनमा रोक लगाइएको छ ।

नेकपा एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) बाँकेले शनिवारका दिन नेपालगन्जमा सरकारी गाडी सन्चालनमा रोक लगाएको हो । बिदाको दिन पनि सरकारी गाडीको दुरुपयोग गरिएको भन्दै नेपालगन्जको धम्बोझी चोकमा अनेरास्ववियुका युवाहरुले सरकारी गाडीलाई निगरानी गरी नियन्त्रणमा लिएका थिए ।

शनिवार करिव २/३ घण्टाभित्र नेपालगन्जको धम्बोझी चोकबाट करिव २० वटा सरकारी गाडी नियन्त्रणमा लिएको नेता प्रकाश विश्वकर्माले बताए । विदाको दिन अत्यावश्यक काम बाहेक सरकारी सवारीसधान दुरुपयोग नहोस् भन्ने उद्देश्यका साथ विदाको दिन निगरानी गर्दै कडाई गरेको उनले भने ।

यस्तै अनेरास्ववियु बाँकेले विद्यार्थीलाई सार्वजनिक यातायातमा ४५% छुट गराउन जिल्ला प्रशासन कार्यालय बाँकेमा ज्ञापनपत्र समेत बुझाएको छ भने विद्यार्थीलाई फिल्म हलमा पनि विशेष छुटको व्यवस्था गराउन फिल्म हलका सन्चालकलाई ज्ञापनपत्र बुझाएको थियो । ज्ञापनपत्रको यथाशीघ्र मागहरु सम्बोधन नगरे आन्दोलन गर्न बाध्य हुने विद्यार्थी नेताहरुले बताएका छन् ।

प्रकाशित मिति: शनिबार, भदौ १६, २०८० १८:२४

प्रतिक्रिया दिनुहोस्