मान्छे जीउँदै जलाउने,महिला झम्टिनेलाई कुनै क्षमा हुदैन् : मन्त्री बाँस्कोटा

राजनीति

गृहपृष्ठ
राजनीति
मान्छे जीउँदै जलाउने,महिला झम्टिनेलाई कुनै क्षमा हुदैन् : मन्त्री बाँस्कोटा

मान्छे जीउँदै जलाउने,महिला झम्टिनेलाई कुनै क्षमा हुदैन् : मन्त्री बाँस्कोटा

बुधबार, कात्तिक ६, २०७६ बागेश्वरी पोस्ट

काठमाडौं ।सञ्चार तथा सूचना प्रविधिमन्त्री गोकुलप्रसाद बाँस्कोटाले राजनीतिमा अपराधीकरण र नेतृत्वमा भ्रष्टिकरण अक्ष्यम्य हुने बताएका छन्। बुधबार बनेपामा आयोजित एक कार्यक्रमलाई सम्बोधन गर्दै उनले सो कुरा बताएका हुन्।सञ्चार तथा सूचना प्रविधिमन्त्री गोकुलप्रसाद बाँस्कोटाले राजनीतिमा अपराधीकरण र नेतृत्वमा भ्रष्टिकरण अक्ष्यम्य हुने बताएका छन्।

बुधबार बनेपामा आयोजित एक कार्यक्रमलाई सम्बोधन गर्दै उनले सो कुरा बताएका हुन्। ‘मान्छेलाई जिउँदै जलाउने, महिलामाथि दुर्व्यवहार, गाउँले र महिलामाथि झम्टिने अपराधीलाई कुनै क्षमा हुन्न, कुनै कसरत बाँकी नराखी कानुनी कठघरामा उभ्याइन्छ, सजाए दिलाइन्छ’, उनले भने। उनले विधिको शासनमा जो–कोहीले पनि उन्मुक्ति नपाउने प्रतिबद्धता व्यक्त गरे।मन्त्री बाँस्कोटाले राजनीतिमा अपराधीकरण र नेतृत्वमा भ्रष्टिकरणबारे मिडियाले पनि विशेष ध्यान दिनुपर्ने बताए।

उनले भने,‘सामाजिक क्षेत्रले पनि यसविरूद्ध आवाज उठाउनुपर्छ, सबै मिलेर अपराधीकरण र भ्रष्टिकरण न्यूनीकरण गर्दै जाने हो।’ सरकार भ्रष्टाचारविरूद्ध निर्मम तवरले लागिरहेको उनको भनाइ थियो। मन्त्री बाँस्कोटाले चुनावको वाचाअनुसार जनप्रतिनिधि अगाडि बढिरहेको बताए। ‘कहीँकतै जनप्रतिनिधि चुकेको भए खबरदारी गर्नुस्’, उनले थपे,‘ तपाईहरू साथ दिनुहोस्, जनप्रतिनिधि के–के काम गर्दैछन् अनुगमन गर्न पनि आग्रह गर्छु।’

उनले चुनाव जित्नु मात्रै ठूलो विषय नभएको उल्लेख गर्दै ‘चुनावदेखि चुनावसम्मको राजनीति’ राजनीति नभएको तर्क गरे। मन्त्री बाँस्कोटाले सकारात्मक परिवर्तनका लागि जनताको साथको आवश्यकता औँल्याए।रासस।

प्रकाशित मिति: बुधबार, कात्तिक ६, २०७६ २३:३१

प्रतिक्रिया दिनुहोस्