कांग्रेस महासमिति बैठकमा बाँकेबाट विधान संशोधनसहित जनसरोकारका विषय उठाइने

राजनीति

गृहपृष्ठ
राजनीति
कांग्रेस महासमिति बैठकमा बाँकेबाट विधान संशोधनसहित जनसरोकारका विषय उठाइने

कांग्रेस महासमिति बैठकमा बाँकेबाट विधान संशोधनसहित जनसरोकारका विषय उठाइने

आइतबार, माघ २८, २०८० बागेश्वरी पोस्ट

नेपालगञ्ज । नेपाली कांग्रेसको फागुन ७ देखि १० गतेसम्म हुने महासमिति बैठकमा बाँकेबाट ३२ जना महासमिति सदस्य सहभागी हुने भएका छन् । ३ वटा निर्वाचन क्षेत्र रहेको बाँकेमा प्रत्येक निर्वाचन क्षेत्रबाट ११ जना महासमिति सदस्य निर्वाचित भएका छन् । एक जना महासमिति सदस्यले पार्टी परित्याग गरेका कारण यसपटक ३२ जना मात्र सहभागी हुुने सचिव सुधांशु कोइरालाले बताए ।

महासमिति वैठकमा बाँकेका तर्फबाट उठान गर्ने विषयबस्तुका बारेमा महासमिति सदस्यहरुबीच आज पार्टी कार्यालयमा बैठक बसी विभिन्न निर्णयहरु गरिएको छ । महासमिति वैठकमा जनसरोकारका विषय समेत उठान गर्ने निर्णय गरिएको सभापति नारायणप्रसाद गौडेलले बताए । माध्यमिक तह शिक्षा र स्वास्थ्यमा नागरिकको शतप्रतिशत पहुँच सुनिश्चितता तथा माध्यमिक तहसम्म निःशुल्क शिक्षा पाउनुपर्ने व्यवस्थाको प्रभावकारी कार्यान्वयन, कृषिको आधुनिकीकरणका लागि नयाँ प्रविधि, उन्नत बीउ विजन तथा मलखादको सहज उपलब्धताका लागि पनि पार्टीले पैरवी गर्नुपर्ने लगायतका विषयहरु उठान गर्ने निर्णय भएको सभापति गौडेलले बताए ।

सभापति गौडेलको अध्यक्षता एवम् केन्द्रिय सदस्य मैकुलाल बाल्मिकीको प्रमुख आतिथ्यतामा सम्पन्न बैठकले विधान संशोधनसहित आरक्षण, समानुपातिक र मनोनित हुने व्यवस्था एक व्यक्ति एक पटक मात्र हुने व्यवस्था गर्नुपर्ने, पार्टीमा विभिन्न पदमा रहेको व्यक्ति स्वतः प्रतिनिधि हुन पाउने व्यवस्था हटाउनुपर्ने लगायतका विषय उठान गर्ने निर्णय गरिएको छ ।

यस्तै महासमिति वैठकलाई भब्यताका साथ सम्पन्न गर्ने सन्दर्भमा केन्द्रको परिपत्र अनुसार जिल्लाको नेपालगञ्ज र कोहलपुर लगायतका क्षेत्रमा फागुन २ गतेदेखि ब्यानर तुल टाँग्ने र ब्यापक प्रचार प्रसार गर्न प्रतिनिधिसभा, प्रदेशसभा निर्वाचन क्षेत्र र पालिका कार्यसमितिहरुलाई निर्देशन दिने निर्णय गरिएको छ ।

ललितपुरको गोदावरीस्थित सनराइज सम्मेलन केन्द्रमा महासमिति वैठक हुँदैछ ।

प्रकाशित मिति: आइतबार, माघ २८, २०८० २०:३०

प्रतिक्रिया दिनुहोस्