सुदूरपश्चिमको मुख्यमन्त्रीमा नाउपा अध्यक्ष रन्जीता श्रेष्ठ पक्षका कैलाशको पनि दाबी पेश

राजनीति

गृहपृष्ठ
राजनीति
सुदूरपश्चिमको मुख्यमन्त्रीमा नाउपा अध्यक्ष रन्जीता श्रेष्ठ पक्षका कैलाशको पनि दाबी पेश

सुदूरपश्चिमको मुख्यमन्त्रीमा नाउपा अध्यक्ष रन्जीता श्रेष्ठ पक्षका कैलाशको पनि दाबी पेश

आइतबार, वैशाख २, २०८१ बागेश्वरी पोस्ट

कैलाली । नागरिक उन्मुक्ति पार्टी (नाउपा) अध्यक्ष रन्जिता श्रेष्ठ पक्षका कैलाश चौधरीले पनि सुदूरपश्चिमको मुख्यमन्त्रीमा दाबी पेश गरेका छन् । रेशम चौधरी पक्षका नागरिक उन्मुक्ति पार्टी (नाउपा) सांसद लक्ष्मणकिशोर चौधरीले सुदूरपश्चिम प्रदेशको मुख्यमन्त्रीमा दाबी पेश गरेपछि पार्टी अध्यक्ष श्रेष्ठ पक्षका कैलाशले पनि आज दिउँसो नै दाबी पेश गरेका हुन् ।

कैलाशले प्रदेश प्रमुख नजिर मियाँसमक्ष नेकपा एमालेका १०, नेकपा माओवादी केन्द्रका सभामुख सहित ११ जना सांसदको समर्थनमा दावी पेश गरेका हुन् । कैलाशले दाबी पेस गरेपछि दुई जनाको दाबी भएपछि कानुनी परामर्श पश्चात निर्णय लिने प्रदेश प्रमुख मियाँले जवाफ दिएका छन् ।

आज दिउँसो नै नाउपाका लक्ष्मणकिशोर चौधरीले कांग्रेस सुदूरपश्चिम प्रदेश संसदीय दलका नेता एवं निवर्तमान मुख्यमन्त्री कमलबहादुर शाह, र नेकपा एकीकृत समाजवदी (एस) का संसदीय दलका नेता दीर्घबहादुर सोडारीको हस्ताक्षरसहितको पत्रका साथ मुख्यमन्त्रीमा दाबी पेश गरिसकेका छन् ।

कांग्रेसका १८, नाउपाका ४ र नेकपा एसका ४ जना सांसदहरुको समर्थनमा चौधरीले प्रदेश प्रमुख नजिर मियाँसमक्ष आज दिउँसो मुख्यमन्त्री नियुक्त गर्न दाबी पेश गर्दै पत्र दिएका हुन् ।

प्रकाशित मिति: आइतबार, वैशाख २, २०८१ १६:२९

प्रतिक्रिया दिनुहोस्