नेपालगन्ज र जानकी आपतकालीन सेवामा सहकार्य गर्न दृढ

स्थानीय

गृहपृष्ठ
स्थानीय
नेपालगन्ज र जानकी आपतकालीन सेवामा सहकार्य गर्न दृढ

नेपालगन्ज र जानकी आपतकालीन सेवामा सहकार्य गर्न दृढ

मंगलबार, असार २५, २०८१ बागेश्वरी पोस्ट

Messenger_creation_e3c375a0-463a-4164-a1de-a9edf356e918-1720539257.jpeg
नेपालगन्ज । नेपालगन्ज उपमहानगरपालिका र जानकी गाउँपालिका आपतकालीन सेवामा सहकार्य र समन्वय गरेर काम गर्न दृढ देखिएका छन् । नेपालगन्जमा आज आयोजित आपतकालीन सेवाको अन्तर पालिका समन्वय वैठकमा नेपालगन्ज उपमहानगरपालिका र जानकी गाउँपालिकाले सहकार्य र समन्वय गरेर जाने प्रतिबद्धता जनाएका छन् । विपद पूर्व तयारी, प्रतिकार्य र पुनर्लाभ लगायत समग्र आपतकालीन सेवामा एकले अर्कोसंग हातेमालो गर्न सके मात्र विपदसंग जुध्न सकिनेमा दुबै पालिका सहमत छन् । अर्को वैठकबाट लिखित समझदारी ९ःइग्० गरेर जाने निर्णय भएको आपतकालीन कार्य संचालन केन्द्र सूचना व्यवस्थापन अधिकृत रुपन ज्ञवालीले बताए ।

May be an image of 14 people, temple, dais and text

नेपालगन्ज उपमहानगरपालिकाका नगर प्रमुख प्रशान्त विष्टले विपद बाजा बजाएर नआउने भन्दै सबै सतर्क भएर व्यवस्थापनका लागि तयारी हालतमा जुट्नुपर्ने बताए । त्यसका लागि अन्तर पालिका समन्वय र साझेदारीमा जोड दिए । नेपालगन्ज विपदको सामना गर्न अन्य स्थानीय सरकारसंग समन्वय र सहकाॠ गर्न तत्पर रहेको बताए । जानकी गाउँपालिकाका अध्यक्ष छ्ब्बन खाँले आपतकालीन स्रोत परिचालनमा एकले अर्कोलाई भरथेग गरेर अघि बढ्न सके विपदको सामना गर्न सकिने बताए । सहकार्य र समन्वयमा जानकी प्रतिबद्ध रहेको उनको भनाई छ । जानकीका प्रमुख प्रशासकीय अधिकृत दिल बहादुर पौडेलले दमकल सेवालाई द्रुत पार्न ठाँउ ठाँउमा पानी श्रोत व्यवस्थापन गर्न, समुदायमा आगलागी नियन्त्रणकको जनचेतना अभियानमा सहकार्य गर्न सहमत भएको बताए ।

May be an image of 4 people, people smiling and text

वैठकमा रेडक्रस बाँकेका सभापति गोबर्द्धन सिंह सम्झना, रेडक्रसका नरेन्द्र पौडेल, नेपालगन्ज उपमहानगरपालिका विपद समिति संयोजक समिर प्रताप सिंह, जानकीका विपत समिति संयोजक राजेन्द्र सिंह, नेपालगन्ज उपमहानगरपालिका वारुण यन्त्र शाखा प्रमुख झइन बहादुर खड्का लगायतले आपसी साझेदारीमा जोड दिए । वैठकमा जानकी गाउँपालिका उपाध्यक्ष रामप्यारी यादव, रेडक्रस बाँके शाखा मन्त्री अजिज अहमद सिद्दिकी, कोषाध्यक्ष राकेश बहादुर श्रीवास्तव, उपनिर्देशक दोलख बहादुर डाँगी लगायतको उपस्थिति थियो ।

May be an image of 6 people, dais and text

त्यसक्रममा जानकी गाउँपालिकाले नेपालगन्ज उपमहानगरपालिकालाई अग्नि नियन्त्रण सामग्रीका रुपमा फायर फाइटिङ बुट हस्तान्तरण गरेको छ । आगलागीका घटनामा प्रयोग गर्ने गरी गाउँपालिका अध्यक्ष खाँले उपमहानगरपालिका प्रमुख विष्टलाई ती सामग्री हस्तान्तरण गरेका हुन् । नेपालगन्ज उपमहानगरपालिकामा संचालित सहरी विपद तथा भूकम्पीय पूर्व तयारी परियोजना ९सुपर० को समन्वय मा वैठक आयोजना गरिएको हो । युरोपियन युनियनको आर्थिक सहयोग एवम् युएनडिपी, युनिसेफ र युएन ओमनको साझेदारी तथा नेपाल रेडक्रस सोसाइटी बाँके शाखाको प्राविधिक सहयोगमा नेपालगन्ज उपमहानगरपालिकामा सुपरले काम गरिरहेको छ ।

प्रकाशित मिति: मंगलबार, असार २५, २०८१ २१:१७