पहिरोले बस बगाएको घटनाप्रति कांग्रेस बाँकेद्वारा दुःख ब्यक्त, खोज तथा उद्दारलाई प्रभावकारी बनाउन आग्रह

राजनीति

गृहपृष्ठ
राजनीति
पहिरोले बस बगाएको घटनाप्रति कांग्रेस बाँकेद्वारा दुःख ब्यक्त, खोज तथा उद्दारलाई प्रभावकारी बनाउन आग्रह

पहिरोले बस बगाएको घटनाप्रति कांग्रेस बाँकेद्वारा दुःख ब्यक्त, खोज तथा उद्दारलाई प्रभावकारी बनाउन आग्रह

शुक्रबार, असार २८, २०८१ बागेश्वरी पोस्ट

नेपालगञ्ज । नेपाली कांग्रेस बाँकेले पहिरोमा परेर हराइरहेकाहरुको खोज तथा उद्दारको कार्यलाई प्रभावकारी बनाउन आग्रह गरेको छ । कार्यबहाक सभापति गोपाल प्रसाद अधिकारीले आज एक अपिल प्रकाशित गर्दै नारायणगढ–मुग्लिङ सडकखण्ड अन्तर्गत सिमलतालमा पहिरोले दुई वटा यात्रु बस बगाएको घटनाप्रति दुःख ब्यक्त गरेका छन् । उनले त्यस घटनामा बेपत्ता ब्यक्तिहरुको प्रभावकारी खोजीका लागि आग्रह गरेका हुन् ।

कांग्रेस बाँकेले कास्की, म्याग्दी लगायत देशका विभिन्न स्थानमा बाढी पहिरोले ठूलो धनजनको क्षती भएको घटनाले पार्टी मर्माहत भएको जनाएको छ । अपिलमा भनिएको छ, "मनसुनजन्य विपदका कारण मुलुक आक्रान्त छ । मनसुन सुरु भएयता विभिन्न स्थानमा पीडादायी घटना भइरहँदा सिंगो मुलुक संवेदनशील अवस्थाबाट गुज्रिरहेको छ । मुलुकमा ठूलो धनजनको क्षती भइरहेको छ । पछिल्लोपटक नारायणगढ–मुग्लिङ सडकखण्ड अन्तर्गत सिमलतालमा पहिरोले दुई वटा यात्रु बस बगाएको छ । त्यसमा सवार दर्जनौं यात्रु हराइरहेका छन् । कास्की, म्याग्दी लगायत देशका विभिन्न स्थानमा बाढी पहिरोले ठूलो धनजनको क्षती भएको छ । यी हृदयविदारक घटनाले नेपाली कांग्रेस बाँकेलाई मर्माहत बनाएको छ ।"

कांग्रेसले पीडाको यो घडीमा उच्च संवेदनशिलताका साथ सिंगो मुलुक एकाकार भएर विपदविरुद्ध जुध्ने बेला आएको जनाएको छ । "नेपाली कांग्रेस बाँके दिवंगत आत्माहरुप्रति भावपूर्ण श्रद्धाञ्जली अर्पण गर्दछ । साथै शोकाकुल परिवारजनमा गहिरो समवेदना प्रकट गर्दै घाइतेहरुको शीघ्र स्वास्थ्य लाभको कामना गर्दछौं," पार्टीको फेसबुक पेजमा जारी गरिएको अपिलमा भनिएको छ, "पहिरोमा परेर हराइरहेकाहरुको प्रभावकारी खोज-उद्दार तथा मनसुनजन्य विपदबाट प्रभावितहरुलाई राहत र पुनर्स्थापनाका लागि सम्बन्धित निकायको ध्यानाकर्षण गराउँदछौँ ।"

कांग्रेसले यो विषम समयमा लामो र जोखिमपूर्ण यात्रा नगर्न आग्रह समेत गरेको छ । उसले भनेको छ, "सम्भावित अप्रिय घटना हुन नदिन सचेत बनौं । दुर्भाग्यबश दुःखद् घटना भएको अवस्थामा मानवीय सेवामा जुट्न नेपाली कांग्रेस बाँके हार्दिक आह्वान गर्दछ ।"

प्रकाशित मिति: शुक्रबार, असार २८, २०८१ २१:१३