ब्राजिलमा जहाज दुर्घटना, जहाजमा सवार ६१ जनाको मृत्यु

विश्व

गृहपृष्ठ
विश्व
ब्राजिलमा जहाज दुर्घटना, जहाजमा सवार ६१ जनाको मृत्यु

ब्राजिलमा जहाज दुर्घटना, जहाजमा सवार ६१ जनाको मृत्यु

शनिबार, साउन २६, २०८१ बागेश्वरी पोस्ट

नेपालगन्ज । साओपाउलोमा जहाज दुर्घटना हुँदा चालक दलका ४ सदस्यसहित जहाजमा सवार सबै ६१ जनाको मृत्यु भएको छ । ब्रजिलको साओपाउलोमा ५७ यात्रु र चालक दलका चार सदस्य बोकेको जहाज दुर्घटना हुँदा सवार सबै ६१ जनाको मृत्यु भएको बीबीसीले जनाएको छ ।

वोएपास एयरलाइन्सका अनुसार दुई इन्जिन भएको टर्बोप्रप जहाज दक्षिणी राज्य परानाको कास्काभेलबाट साओपाउलो सहरको मुख्य विमानस्थलका लागि उडेको थियो ।

पहिले उक्त जहाजमा ६२ जना भएको बोएपासले बताएको भए पनि पछि भने ६१ जना भएको पुष्टि गरेको थियो ।

दुर्घटनामा परेको जहाज दुर्घटनाको डेढ मिनेट पहिले नै उचाइ लिन छाडेको थियो । सीएनएनको रिपोर्ट अनुसार उडान ट्रेकिङ डेटाबाट पत्ता लागे अनुसार स्थानीय समय दिउँसो १ः२१ बजेसम्म जहाजले १७ हजार फिटको उचाईमा उडिरहेकामा त्यसको १० सेकेन्डमै लगभग २५० फिट तल झरेको थियो । एक मिनेटमै लगभग १७ हजार फिट तल खसेको जनाइएको हो ।

प्रकाशित मिति: शनिबार, साउन २६, २०८१ ०८:५१