कपिलवस्तुमा अवैध तस्करीविरुद्ध सशस्त्र प्रहरी, ९ लाख बढीको सामग्री बरामद

सुरक्षा-अपराध

गृहपृष्ठ
सुरक्षा-अपराध
कपिलवस्तुमा अवैध तस्करीविरुद्ध सशस्त्र प्रहरी, ९ लाख बढीको सामग्री बरामद

कपिलवस्तुमा अवैध तस्करीविरुद्ध सशस्त्र प्रहरी, ९ लाख बढीको सामग्री बरामद

शनिबार, मंसिर ८, २०८१ बागेश्वरी पोस्ट

कपिलवस्तु । सशस्त्र प्रहरी बल कपिलवस्तुले एक हप्ताको अवधिमा ठूलो परिमाणमा भारतबाट नेपाल भित्र्याइएको अवैध सामग्री बरामद गरेको छ ।

सशस्त्र प्रहरी बल नं. २८ गण कपिलवस्तुका अनुसार शुक्रवार मात्रै भारतबाट अवैधरुपले भन्सार छली गरेर ल्याइँदै गरेको अवस्थामा ३ लाख ६३ हजार रुपैयाँ बराबरको लत्ताकपडा बरामद गरेको हो ।

कपिलवस्तुस्थित सशस्त्र प्रहरी गणबाट डीएसपी भीमनिधि खनालको कमान्डमा गएको टोलीले भन्सार छलेर ल्याउँदै गरेको उक्त अवैध लत्ताकपडा तौलिहवा नजिकबाट बरामद गरेको सशस्त्र प्रहरीले जनाएको छ ।

त्यसैगरी, मंसिर १ देखि ७ गतेसम्म सशस्त्र प्रहरी कपिलवस्तुले ९ लाख ३४ हजार ५७० हजार रुपैयाँ बराबरको अवैध सामग्री बरामद गरेको हो । सशस्त्र प्रहरी कपिलवस्तुका अनुसार बरामद गरिएको अवैध सामग्रीमा एउटा मोटरसाइकलसहित लत्ताकपडा, किराना सामग्री , मोटरपार्ट्स, मल लगायत अन्य रहेका छन् ।

बरामद गरिएका ९ लाख ३४ हजार ५७० रुपैयाँ बराबरका सबै अवैध भन्सार छलीका सामग्रीलाई आबश्यक कारबाहीका लागि कृष्णनगर भन्सार कार्यालय बुझाएको सशस्त्र प्रहरी बल नं. २८ गणले जानकारी दिएको छ ।

त्यस्तै गत फागुनदेखि कात्तिक मसान्तसम्म सशस्त्र प्रहरीले कपिलवस्तुबाट ३ करोड ५० लाख ८८ हजार ६९६ रुपैयाँ बराबरको अवैध सामग्री बरामद गरी भन्सार कार्यालय बुझाइसकेको जनाएको छ ।

उक्त अवधिमा सशस्त्र प्रहरीले अवैध तस्करीमा ढुवानीका लागि प्रयोग भएका सवारीसाधन, लत्ताकपडा, मोटरपार्ट्स, इलेक्ट्रोनिक्स सामग्री, मोबाइल, मोबाइल डिस्प्ले, चिनी लगायतका सामग्री बरामद गरेको हो भने लाखौं रुपैयाँका अवैध कुखुरा तथा माछा-मासुलाई नष्ट गरिएको सशस्त्र प्रहरीले जनाएको छ ।

प्रकाशित मिति: शनिबार, मंसिर ८, २०८१ १४:३४