बाल सुधार गृहसम्बन्धि कानुनी व्यवस्थालाई समयानुकूल सुधार गर्न सुझाब

सुरक्षा-अपराध

गृहपृष्ठ
सुरक्षा-अपराध
बाल सुधार गृहसम्बन्धि कानुनी व्यवस्थालाई समयानुकूल सुधार गर्न सुझाब

बाल सुधार गृहसम्बन्धि कानुनी व्यवस्थालाई समयानुकूल सुधार गर्न सुझाब

बिहीबार, मंसिर १३, २०८१ बागेश्वरी पोस्ट

नेपालगन्ज । बारम्बार बाँकेको बाल सुधार गृहबाट बालबिजाइँकर्ता फरार हुन थालेपछि जिल्ला सुरक्षा समितिले बाल सुधार गृहसम्बन्धि कानुनी व्यवस्थालाई समयानुकूल सुधार गर्न सुझाव दिएको छ ।

सुरक्षा समितिको बुधबारको बैठकले उमेर पुगेका बालबिजाइँकर्तालाई समेत एकै ठाउँमा राखिँदा आपराधिक क्रियाकलाप बढ्दै गएको भन्दै समितिले सो सुझाव दिएको हो ।

बाँकेका प्रमुख जिल्ला अधिकारी खगेन्द्रप्रसाद रिजालको अध्यक्षतामा भएकोे बैठकले कात्तिक २६ गते तीन जना बालबिजाइँकर्ता भागेको घटनामा सुरक्षामा कमजोरी पाइएको भन्दै विभागीय कारबाहीको सिफारिस गर्ने निर्णय गरेको छ ।

उनले बाल सुधार गृहमा सादा पोसाकमा प्रहरी सुरक्षामा खटिने र हतियारसहित बस्न नपाउने लगायत प्रावधानले सुरक्षाकर्मी अप्ठेरोमा परेको बताए ।

यसैबीच बाल सुधार गृहबाट १२ बालबिजाइँकर्ता भागेकामा नौ जना फेला परेका जिल्ला प्रहरी कार्यालयले जनाएको छ । यसअघि भागेका पनि तीन जना अझै फेला परेका छैनन् । गत वर्ष पुसमा पनि २३ जनामा पनि तीन जना भागेका थिए । रासस

प्रकाशित मिति: बिहीबार, मंसिर १३, २०८१ १३:१३