लालमटियामा ट्रकको ठक्करले मोटरसाइकल चालकको मृत्यु

सुरक्षा-अपराध

गृहपृष्ठ
सुरक्षा-अपराध
लालमटियामा ट्रकको ठक्करले मोटरसाइकल चालकको मृत्यु

लालमटियामा ट्रकको ठक्करले मोटरसाइकल चालकको मृत्यु

मंगलबार, पुस २, २०८१ बागेश्वरी पोस्ट

लमही । दाङमा ट्रकले मोटरसाइकललाई ठक्कर दिँदा एक जनाको मृत्यु भएको छ । जिल्ला प्रहरी दाङका अनुसार ट्रकको ठक्करबाट राप्ती गाउँपालिका-३ बसन्तपुरका १८ वर्षीय मोटरसाइकल चालक सोनु गुरूङको मृत्यु भएको हो ।

सोमबार राति पूर्व पश्चिम राजमार्ग अन्तर्गत राप्ती गाउँपालिका-२ लालमटिया कटेशनाला नजिक पश्चिमबाट पूर्वतर्फ जाँदै गरेको बा ४ ख २२६१ नम्बरको ट्रकले पूर्वबाट पश्चिमतर्फ आइरहेको रा ८ प ४१४६ नम्बरको मोटरसाइकललाई ठक्कर दिएको हो ।

ठक्करबाट गम्भीर घाइते भएका गुरुङको गएराती नै मृत्यु भएको दाङ प्रहरीले जनाएको छ ।

इलाका प्रहरी कार्यालय भालुबाङले ठक्कर दिने ट्रक र चालकलाई नियन्त्रणमा लिएको जिल्ला प्रहरी कार्यालय दाङले जानकारी दिएको छ ।

प्रकाशित मिति: मंगलबार, पुस २, २०८१ १०:१२