जमिन मुनिबाट सुन निकाली दिन्छु भनेर २ करोड ठगी गर्ने ब्यक्ति प्रहरीको फन्दामा

सुरक्षा-अपराध

गृहपृष्ठ
सुरक्षा-अपराध
जमिन मुनिबाट सुन निकाली दिन्छु भनेर २ करोड ठगी गर्ने ब्यक्ति प्रहरीको फन्दामा

जमिन मुनिबाट सुन निकाली दिन्छु भनेर २ करोड ठगी गर्ने ब्यक्ति प्रहरीको फन्दामा

आइतबार, पुस ७, २०८१ बागेश्वरी पोस्ट

नेपालगञ्ज । जमिन मुनिबाट सुन निकाली दिन्छु भनेर करोडौं ठगी गर्ने एक भारतीय नागरिकलाई बाँके प्रहरीले नियन्त्रणमा लिएर अनुसन्धान सुरु गरेको छ ।

नेपालगञ्ज–१९ मोहनपुर ईटाभट्टा नजिकैको जमिनबाट सुन निकाली दिन्छु भनेर स्थानीय नसिर अहमद बेहनाका साथबाट पटक–पटक गरी २ करोड ठगी गर्ने भारत बलरामपुर सिंहपुरीका ४२ वर्षिय सदाबुद्दिन हल्वाईलाई प्रहरीले पक्राउ गरेको हो ।

ठगी गरेको अभियोगमा हल्वाईलाई बसपार्क नजिकैबाट नियन्त्रणमा लिएको जिल्ला प्रहरी कार्यालय बाँकेका प्रवक्ता प्रहरी नायव उपरीक्षक आयूश प्रसाद जोशीले जानकारी दिए ।

प्रहरीले हल्वाईलाई ४ दिनको म्याद थपेर अनुसन्धान सुरु गरेको जनाएको छ । प्रहरीले आरोपीको साथबाट १ हजार ४९ पहेंलो सिक्का, माटोको घैंटो ३, पित्तलको घैंटो ३, धातुको गणेशको मूर्ती लगायतका विभिन्न सामग्री बरामद गरेको जनाएको छ ।

प्रकाशित मिति: आइतबार, पुस ७, २०८१ १९:२२

प्रतिक्रिया दिनुहोस्