डुडुवाको बेतहनीमा डाँकाको समूहले गर्‍यो लाखौंको लूटपाट, प्रहरीले डाँकाको खोजीमा चलायो अपरेसन

सुरक्षा-अपराध

गृहपृष्ठ
सुरक्षा-अपराध
डुडुवाको बेतहनीमा डाँकाको समूहले गर्‍यो लाखौंको लूटपाट, प्रहरीले डाँकाको खोजीमा चलायो अपरेसन

डुडुवाको बेतहनीमा डाँकाको समूहले गर्‍यो लाखौंको लूटपाट, प्रहरीले डाँकाको खोजीमा चलायो अपरेसन

बुधबार, पुस १०, २०८१ बागेश्वरी पोस्ट

डुडुवा । बाँकेको सीमावर्ती भेग बेतहनीमा २५ जना डाँकाको एक समूहले एउटा घरमा लूटपाट गरेको छ । जिल्लाको डुडुवा गाउँपालिका-२ बेतहनीस्थित सन्तोष सोनीको घरमा गएराती अन्दाजी ११ बजे डाँकाको समूहले लाखौं रुपैयाँ बराबरको धनमाल लुटेको छ ।

हातहतियारसहित आएको २५ जना जतिको डाँकाको समूहले सोनीको घरबाट अन्दाजी ३० लाख रुपैयाँ बराबरको धनमाल लुटेर लगेको पीडितले बताएका छन् । घरको पछाडिबाट भित्र छिर्दै घरमा भएका पुरुषको हातखुट्टा बाँधेर धनमाल, रुपैयाँ र गरगहना लूटपाट गरेको सोनीले बताए ।

पीडित परिवारका अनुसार डकैती गर्न आएको उक्त डाँकाको समूहका १५ जना घरभित्र छिरेको र १० जना बाहिर बसेर पहरा दिएका थिए ।

पीडित सोनीले भने-" हामी घरमा दुई बालिका, तीन बालकसहित ८ जना थियौं, हुलहुज्जतसहित आएका डाँकाहरुले हातखुट्टा बाँधेर लूटपाट गर्दा हामीले एकोहोरो हेर्नु सिवाय केही थिएन ।" तर, परिवारका कुनै सदस्यलाई उनीहरुले कुटपिट नगरेको उनले बताए ।

यता जिल्ला प्रहरी बाँकेले घटनाको बारेमा जानकारी पाए पश्चात् लुटपाटमा संलग्न डाँकाहरुको खोजतलासको अपरेसन चलाइसकेको जनाएको छ । उक्त घटनाको विस्तृत अनुसन्धान सुरु गरिसकेको जिल्ला प्रहरीले बाँकेले जनाएको छ ।

प्रकाशित मिति: बुधबार, पुस १०, २०८१ १४:२०

प्रतिक्रिया दिनुहोस्