आदर्श माविको तीन दिने स्पोर्ट्स मिट सम्पन्न

खेलकुद

गृहपृष्ठ
खेलकुद
आदर्श माविको तीन दिने स्पोर्ट्स मिट सम्पन्न

आदर्श माविको तीन दिने स्पोर्ट्स मिट सम्पन्न

बेष्ट हाउस अफ द इयर 'एलो हाउस'

बुधबार, माघ ९, २०८१ बागेश्वरी पोस्ट

नेपालगञ्ज । नेपालगञ्ज-१० स्थित आदर्श माध्यमिक विद्यालयले आयोजना गरेको तीन दिने स्पोर्ट्स मिट सम्पन्न भएको छ । तीन दिने स्पोर्ट्स मिटमा आयोजना गरिएका विभिन्न खेल इभेन्टका विजेताहरुलाई मेडल र ट्रफी प्रदान गरिएको छ ।

स्पोर्ट्स मिटमा बेष्ट हाउस अफ द इयर एलो हाउस, स्पोर्ट्स म्यान अफ द इयर ब्लु हाउसका विकासनाथ योगी र स्पोर्ट्स वुमन अफ द इयर एलो हाउसका सुप्रिया अधिकारी घोषित भएका छन् । विभिन्न विधाका विजेताहरुलाई विद्यालयका अध्यक्ष सञ्जय थापा, चिफ डाइरेक्टर ईश्वर प्रसाद पोखरेल, एकेडेमिक एड्भाइजर प्रकाश लामिछाने, सञ्चालक सदस्य गिरिराज पौडेल लगायतले मेडल र ट्रफी प्रदान गरेका थिए ।

May be an image of 9 people and text

विद्यालयका सहप्रचार्य टंक प्रसाद गौतमका अनुसार स्पोर्ट्स मिटमा फुटबल, भलिबल, लङजम्प, दौड, खोखो, कुर्सी दौड, सर्टफुट, व्याडमिन्टन लगायतका खेलहरु भएका छन् । विद्यार्थीहरूलाई खेलकुदमा प्रोत्साहित गर्दै शारीरिक तन्दुरुस्ती र खेल भावना विकास गर्ने उद्देश्यले बार्षिक शैक्षिक क्यालेण्डरमै समावेश गरेर स्पोर्ट्स मिट सञ्चालन गरिएको गौतमले बताए ।

नेपालगञ्ज उपमहानगरपालिका वडा नम्बर १ स्थित एन्फा ग्रासरुट फुटबल ट्रेनिङ सेन्टरमा स्पोर्ट्स मिट सम्पन्न भएको हो । पाठ्यक्रममा आधारित नियमित अध्यापनसँगै अतिरिक्त क्रियाकलापहरुमा पनि विद्यार्थीहरुको लगाब प्रबद्र्धन गर्न विद्यालयले बार्षिकरुपमा यस्ता कार्यक्रम गर्दै आएको जनाएको छ ।

प्रकाशित मिति: बुधबार, माघ ९, २०८१ २०:०७