गृहमन्त्रीसँग दुर्गा प्रसाईंका प्रतिनिधिले भने- हाम्रो आन्दोलन शान्तिपूर्ण रहन्छ

राजनीति

गृहपृष्ठ
राजनीति
गृहमन्त्रीसँग दुर्गा प्रसाईंका प्रतिनिधिले भने- हाम्रो आन्दोलन शान्तिपूर्ण रहन्छ

गृहमन्त्रीसँग दुर्गा प्रसाईंका प्रतिनिधिले भने- हाम्रो आन्दोलन शान्तिपूर्ण रहन्छ

बुधबार, कात्तिक २६, २०८२ बागेश्वरी पोस्ट

काठमाडौँ । दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ का प्रतिनिधिहरूले बुधबार गृह मन्त्रालयमा गृहमन्त्री ओमप्रकाश अर्याललाई २६ बुँदे ज्ञापन पत्र बुझाएका छन् । प्रसाईं स्वयं छलफलमा सहभागी भएनन् । उनको समूहले मङ्सिर ७ गतेबाट देशभर आन्दोलन गर्ने घोषणा गरेको छ ।

गृहमन्त्रीसँगको भेटमा समूहले मागहरू शान्तिपूर्ण रूपमा अघि बढाउने प्रतिबद्धता जनाएको छ । गृह मन्त्रालयका प्रवक्ता आनन्द काफ्लेका अनुसार प्रसाईं पक्षले दल दर्ता गर्ने तयारीसमेत जनाएको छ ।

अभियानले नेपाललाई नेपालीले नै निर्माण गर्ने नीति, हिन्दू अधिराज्य र संवैधानिक राजसंस्थाको पुनःस्थापना, प्रदेश संरचना खारेज गरी पुरानो ५ विकास क्षेत्र र ७५ जिल्ला प्रणाली कायम गर्ने लगायतका मागहरू अघि सारेको छ ।

अभियानका प्रवक्ता माधव कल्पितले सरकारले वार्ता गरेर जायज मागहरू लिखित रूपमा स्वीकृत गरे आन्दोलन स्थगन गर्न तयार रहेको बताए ।

प्रकाशित मिति: बुधबार, कात्तिक २६, २०८२ १५:३५

प्रतिक्रिया दिनुहोस्