मोहनपुर फारममा दिपेन्द्र बिष्टको घरदैलो

राजनीति

गृहपृष्ठ
राजनीति
मोहनपुर फारममा दिपेन्द्र बिष्टको घरदैलो

मोहनपुर फारममा दिपेन्द्र बिष्टको घरदैलो

बिहीबार, फागुन ७, २०८२ बागेश्वरी पोस्ट

नेपालगन्ज । नेकपाको तर्फबाट बाँके क्षेत्र नं. २ प्रतिनिधि सभा सदस्य पदका उम्मेदवार दिपेन्द्र बिष्टले नेपालगन्ज उपमहानगरपालिका–१९ अन्तर्गत मोहनपुर फारम क्षेत्रमा घरदैलो गरेका छन् । बस्तीका टोल–टोल र खेत–खलियानसम्म पुगेका उनले मतदातालाई भेटेर मतदान गर्न आग्रह गरेका छन् ।

मोहनपुर फारम कृषिमा निर्भर क्षेत्र पनि भएकाले त्यहाँका किसानले सिँचार्इ, मल–बीउ, उत्पादनको उचित मूल्य र बजार व्यवस्थापनका विषय उठाएका थिए । उम्मेदवार बिष्टले ती समस्यालाई प्राथमिकतामा राखेर दीर्घकालीन समाधान खोज्ने प्रतिबद्धता व्यक्त गरे । उनले कृषिलाई आधुनिक, प्रविधिमैत्री र व्यवसायिक बनाउने योजनाबारे समेत स्पष्ट धारणा राखे ।

घरदैलोका क्रममा स्थानीय महिला समूह, युवा र ज्येष्ठ नागरिकसँग पनि छुट्टाछुट्टै संवाद गरिएको थियो। रोजगारी सिर्जना, सीप विकास तालिम, सडक सुधार र स्वास्थ्य सेवाको पहुँच विस्तारबारे भएको छलफलले कार्यक्रमलाई सार्थक बनाएको सहभागीहरूको भनाई छ।

प्रकाशित मिति: बिहीबार, फागुन ७, २०८२ २०:२२

प्रतिक्रिया दिनुहोस्