पारस्परिक सम्मान र सद्भाव हाम्रो परिचय बनोस्ः इश्तियाक राई

राजनीति

गृहपृष्ठ
राजनीति
पारस्परिक सम्मान र सद्भाव हाम्रो परिचय बनोस्ः इश्तियाक राई

पारस्परिक सम्मान र सद्भाव हाम्रो परिचय बनोस्ः इश्तियाक राई

शुक्रबार, फागुन ८, २०८२ बागेश्वरी पोस्ट

नेपालगन्ज । नेकपा एमालेबाट बाँके निर्वाचन क्षेत्र नं. २ का प्रतिनिधिसभा सदस्य उम्देवार मोहम्मद इश्तियाक राईले आफ्नो निर्वाचन क्षेत्रका धार्मिक सांस्कृतिक धरोहरहरूको संरक्षण र सम्बर्द्धनमा आफू प्रयत्नरत रहेको बताएका छन् । आज नेपालगन्ज र डुडुवाका विभिन्न वडाहरूमा घरदैलो तथा समूहगत छलफलका क्रममा उम्मेदवार राईले फरक धर्म संस्कृतिहरू बीच पारस्परिक सम्मान र सद्भाव अभिवृद्धि गर्दै निर्वाचन क्षेत्र नं. २ को बेग्लै परिचय स्थापित गर्ने आफ्नो सोच सुनाए ।

सामाजिक सम्बन्धमा मधुरता र खुसहाल वातावरण बनाउन सकेमा नेपालगन्जमा धार्मिक सांस्कृतिक पर्यटनले बढावा पाउने पनि उनको भनाई थियो । नेपालगन्ज र डुडुवालाई आफूले सधैं समान व्यवहार गर्ने गरेको जिकिर गर्दै राईले नेपालगन्ज र डुडुवाबीच पारस्परिकता अझै बलियो बनाउन आफू प्रयत्नरत रहेको बताए ।

यसैबीच राईले आजै नेपाल पूर्व प्रहरी संगठनका सदस्यहरूसँग नेपालगन्जमा छलफल गरेका छन् । उनले आफू निर्वाचित भएपछि प्रहरीहरूको सेवासुविधा समयानुकूल बनाउन नीतिगत पहल गर्ने आश्वासन दिए । प्रहरी कर्मचारी र उनीहरूका परिवारको सहज जीवनयापन हुन सक्ने गरी पारिश्रमिक बृद्धि अत्यावश्यक भइसकेको पनि राईको भनाई थियो । राईले आर्थिक अनियमितता रोक्न पनि प्रहरी कर्मचारीहरूको सुविधामा बढोत्तरी गर्नुपर्ने बताए ।

प्रकाशित मिति: शुक्रबार, फागुन ८, २०८२ १८:०१

प्रतिक्रिया दिनुहोस्