नेपालगन्जमा नयाँ इलेक्ट्रिक एसयूभी ‘ओमोडा ई–५ प्रो’ सार्वजनिक

अर्थ

गृहपृष्ठ
अर्थ
नेपालगन्जमा नयाँ इलेक्ट्रिक एसयूभी ‘ओमोडा ई–५ प्रो’ सार्वजनिक

नेपालगन्जमा नयाँ इलेक्ट्रिक एसयूभी ‘ओमोडा ई–५ प्रो’ सार्वजनिक

बुधबार, जेठ २०, २०८३ बागेश्वरी पोस्ट

नेपालगन्ज । नेपालगन्ज क्षेत्रका लागि ओमोडा एन्ड जेकूको आधिकारिक वितरक सिद्धार्थ लिंक प्रा.लि. ले बहुप्रतिक्षित तथा अत्याधुनिक इलेक्ट्रिक एसयूभी नयाँ ओमोडा ई–५ प्रो ( Omoda E5 Pro) बुधबार नेपालगन्जमा सार्वजनिक गरेको छ । यस अघि नै १,५०० भन्दा बढी युनिट सडकमा सञ्चालनमा आइसकेको ओमोडा ई–५ को सफल यात्रालाई निरन्तरता दिँदै कम्पनीले अझ उन्नत प्रविधि, प्रिमियम डिजाइन र आधुनिक ड्राइभिङ अनुभवसहित नयाँ ई–५ प्रो नेपाली बजारमा ल्याएको हो ।

बाँके अटोमोबाइल्स एशोसिएसनका अध्यक्ष नरेन्द्र ओलीको प्रमुख आतिथ्यता तथा उद्योग वाणिज्य संघ बाँकेका वरिष्ठ उपाध्यक्ष चिरञ्जीवी वलीको विशिष्ट आतिथ्यतामा आयोजित विशेष समारोहबीच नयाँ ओमोडा ई–५ प्रोको औपचारिक लन्च गरिएको थियो ।

कम्पनीका अनुसार नयाँ ई–५ प्रोमा ५०.७ किलोवाट आवर (kWh) क्षमताको ब्याट्री, ९९ किलोवाट (kW) क्षमताको इलेक्ट्रिक मोटर तथा २८८ एनएम टर्क रहेको छ । यसले एकपटकको पूर्ण चार्जमा करिब ३५० किलोमिटर रेन्ज प्रदान गर्ने बताइएको छ ।

१९१ एमएम ग्राउन्ड क्लियरेन्स र १८ इन्चका अलोय ह्विलका कारण यो नेपाली सडकका लागि समेत उपयुक्त रहेको कम्पनीको दाबी छ । गाडीको बाह्य डिजाइनमा फ्युचरिस्टिक डिजाइन, बोल्ड फ्रन्ट फेसिया, एरोडाइनामिक प्रोफाइल तथा फ्यान्टम विङ टेललाइट समावेश गरिएको छ । त्यस्तै भित्री भागमा प्रिमियम केबिन, इलेक्ट्रिक सनरुफ तथा अत्याधुनिक प्रविधिको संयोजन रहेको कम्पनीले जनाएको छ ।

सुरक्षाका दृष्टिले गाडीमा १९ भन्दा बढी एड्भान्स्ड ड्राइभर असिस्टेन्स सिस्टम (ADAS) फिचर तथा ५४० डिग्री सराउन्ड भ्यू क्यामेरा प्रणाली समावेश गरिएको छ, जसले चालकलाई थप सहज र सुरक्षित ड्राइभिङ अनुभव प्रदान गर्ने विश्वास गरिएको छ । कम्पनीले नयाँ ओमोडा ई–५ प्रोको मूल्य सिंगल टोन भेरियन्टका लागि ५१ लाख ५९ हजार रुपैयाँ तथा डबल टोन भेरियन्टका लागि ५१ लाख ९९ हजार रुपैयाँ निर्धारण गरेको छ ।

साथै, लन्चिङको विशेष अवसरमा एक दिनका लागि मात्र लागू हुने गरी ४९ लाख ९९ हजार रुपैयाँको विशेष अफर पनि सार्वजनिक गरिएको छ । त्यसैगरी, गाडी खरिद वा बुकिङ गर्ने ग्राहकले एक वर्षको निःशुल्क अटो प्लस इन्स्योरेन्स सुविधा समेत प्राप्त गर्ने कम्पनीले जनाएको छ ।

देशभरका आधिकारिक शोरुममार्फत बुकिङ खुला गरिएको यो नयाँ ईभीले नेपाली बजारमा विद्युतीय सवारी साधनको प्रतिस्पर्धालाई थप तीव्र बनाउने अपेक्षा गरिएको छ । नेपालगन्ज तथा आसपासका ग्राहकले गनापुर–६ मा रहेको ओमोडा एन्ड जेकूको आधिकारिक शोरुममा टेस्ट ड्राइभ, जानकारी तथा बुकिङ गर्न सक्ने जनाइएको छ।

लन्चिङ कार्यक्रममा सिद्धार्थ लिंक प्रा.लिका प्रबन्ध निर्देशक विवेककुमार श्रेष्ठ, निर्देशक ऋषिराम कँडेल, पत्रकार, सञ्चारकर्मी, कन्टेन्ट क्रिएटर तथा विभिन्न क्षेत्रका प्रतिनिधिहरूको उपस्थिति रहेको थियो ।

प्रकाशित मिति: बुधबार, जेठ २०, २०८३ २२:१३

प्रतिक्रिया दिनुहोस्