नेपालगन्ज सामाजिक सद्भावको नमुना शहरका रुपमा रहेको छ: मन्त्री राई

संस्कृति-साहित्य

गृहपृष्ठ
संस्कृति-साहित्य
नेपालगन्ज सामाजिक सद्भावको नमुना शहरका रुपमा रहेको छ: मन्त्री राई

नेपालगन्ज सामाजिक सद्भावको नमुना शहरका रुपमा रहेको छ: मन्त्री राई

सोमबार, कात्तिक ११, २०७६ बागेश्वरी पोस्ट

नेपालगन्ज ।शहरी विकास मन्त्री मोहम्मद इस्तियाक राईले नेपालगन्ज पुर्खौंदेखि सामाजिक सद्भावको नमुना शहरका रुपमा रहेको वताउनुभएको छ । एक धर्मको चाडमा अर्को धर्मका मानिसहरु पुग्ने, एक अर्कालाई साथ दिने चलन पुर्खौंदेखि चल्दै आएको बताउँदै उहाँले यसलाई निरन्तरता दिनुपर्नेमा जोड दिनुभयो । भैलो कार्यक्रमलाई स्वागत गर्दै मन्त्री राईले यस्तो बताउनुभएको हो । सामाजिक काम गर्नका लागि बाँकेका युवाहरु मिलेर निर्माण गरिएको संस्था सहयोगी आवाज (हिभ) नेपालको आयोजनामा आइतबार मन्त्री राईकै घरबाट देउसी भैलोको सुरुवात गरिएको कार्यक्रम संयोजक विष्णु वलीले वताउनुभयो । लागूपदार्थ न्यूनीकरणका लागि गत वर्षदेखि विविध कार्यक्रम गर्दै आएको हिभ नेपालले यो वर्षको देउसी भैलोबाट संकलित रकम पनि सामाजिक कार्यमा खर्चिने जनाएको छ । उपमेयर उमा थापा मगरले सद्भावको शहर मात्रै नभई सद्भाव कायम गर्नका लागि विभिन्न प्रयास पनि भइरहेको बताउनुभयो । त्यसअघि नेपाल पत्रकार महासंघ बाँके शाखाले पनि मन्त्री राईको घरमा भैलो कार्यक्रम गरेको थियो ।

प्रकाशित मिति: सोमबार, कात्तिक ११, २०७६ ०६:४६

प्रतिक्रिया दिनुहोस्