नेपाली कांग्रेसले दियो ओली नेतृत्वको जनसम्पर्क समिती क्यानडालाई मान्यता

विश्व

गृहपृष्ठ
विश्व
नेपाली कांग्रेसले दियो ओली नेतृत्वको जनसम्पर्क समिती क्यानडालाई मान्यता

नेपाली कांग्रेसले दियो ओली नेतृत्वको जनसम्पर्क समिती क्यानडालाई मान्यता

सोमबार, कात्तिक १८, २०७६ बागेश्वरी पोस्ट

नेपालगन्ज । नेपाली कांग्रेसले नेपाली जनसम्पर्क समिति क्यानडालाई अन्ततः मान्यता प्रदान गरेको छ ।नेपाली कांग्रेसको केन्द्रीय कार्यसमितिले क्यानडामा रहेको बुद्धिप्रकाश ओली नेतृत्वको कार्यसमितिलाई मान्यता प्रदान गर्दै काम कारबाही गर्न निर्देशन दिएको छ। ओली नेतृत्वको क्यानडा जनसम्पर्क समितिको नेपाली कांग्रेसका केन्द्रीय सदस्य एवम् पूर्व सिचाँई मन्त्री दिपक गिरीले अधिवेशन गराएका थिए ।‘पार्टीका तर्फबाट क्यानडामा खटिनु भएका केन्द्रीय प्रतिनिधि गिरीको उपस्थितिमा सम्पन्न नेपाली जनसम्पर्क समिति क्यानडाको अधिवेशनबाट निर्वाचित बुद्धिप्रकाश ओली नेतृत्वको कार्यसमितिर्लाइ मान्यता प्रदान गर्नुपर्ने पत्रमा उल्लेख छ ।नेपाली जनसम्पर्क समिति क्यानडाको अधिवेशनबाट निर्वाचित कार्यसमितिलाई मान्यता प्रदान गरिएकोले क्यानडामा रहेका लोकतन्त्रवादी नेपालीहरूको साझा संघका रुपमा नेपाली जनसम्पर्क समिति क्यानडालाई एकताबद्ध र सकृय बनाइ कार्य गर्न नेपाली कांग्रेसले निर्देशन दिएको छ।उक्त अधिबेशन २०७५ भदौ १० गते सम्पन्न भएको थियो।

प्रकाशित मिति: सोमबार, कात्तिक १८, २०७६ ०६:०९