अबैधरुपमा दुई जना महिलालाई बिदेश लैजान लागेकी नेपाली महिला तस्कर रुपैडिहामा पक्राउ

विश्व

गृहपृष्ठ
विश्व
अबैधरुपमा दुई जना महिलालाई बिदेश लैजान लागेकी नेपाली महिला तस्कर रुपैडिहामा पक्राउ

अबैधरुपमा दुई जना महिलालाई बिदेश लैजान लागेकी नेपाली महिला तस्कर रुपैडिहामा पक्राउ

शुक्रबार, कात्तिक २२, २०७६ बागेश्वरी पोस्ट

नेपालगञ्ज । नेपालगन्जको सिमावर्ती बजार रुपैडिहामा एक जना नेपाली महिला तस्करलाई भारतीय प्रहरीले पक्राउ गरेको छ। दुई जना महिलालाई रोजगारीको अवैधरुपमा अबैध रुट प्रयोग गरि नेपाली महिलालाई खाडी मुलुक पठाउन लैजादै गर्दा रुपईडिहामा रहेेेको एसएसबी सुरक्षा बलले भोजपुरकी कल्पना राईलाई पक्राउ गरेको हो ।

भारतीय सशस्त्र सीमा बल (एसएसबी) ४२ औं बाहिनीले जनाए अनुसार सीमानाकामा रुपईडिहा प्रहरी र एसएसबीले संयुक्त सुरक्षा जाँचका क्रममा तीन नेपाली महिलामाथि शंका लागेर सोधपुछ गरिएको थियो । प्रहरीले सोधेको प्रश्नको जवाफ चित्त नबुझेपछि एसएसबी क्याम्पमै लगेर थप सोधपुछ गर्दा दुबै महिलाले खाडी मुलुक जान लागेको बताएका थिए।

उनीहरुले आफूसँगै रहेकी कल्पनाले खाडी मुलुकमा रोजगारीका लागि पठाउन लागेको जानकारी दिएपछि राईलाई पक्राउ गरिएको हो।कल्पनाले खाडी मुलुक पठाउन आफूसँगै लगेका दुई महिलाको परिचय भने खुलाइएको छैन ।

कल्पनाको साथबाट एक लाख रियाल, पाँच हजार २ सय ५० दिनार, पाँच हजार ६ सय नेपाली रुपैयाँ, मोबाइल फोन र नेपाली नागरिकता बरामद भएको एसएसबीले जनाइएको छ । राईविरुद्ध मानव तस्करीको आरोपमा मुद्दा दर्ता गरी आवश्यक कारवाही प्रक्रिया अघि बढाइएको छ ।

प्रकाशित मिति: शुक्रबार, कात्तिक २२, २०७६ १५:३३

प्रतिक्रिया दिनुहोस्