चाडपर्वमा कुनै पनि आपराधिक गतिविधि हुन नदिन निमित्त आइजीको निर्देशन

समाचार

गृहपृष्ठ
समाचार
चाडपर्वमा कुनै पनि आपराधिक गतिविधि हुन नदिन निमित्त आइजीको निर्देशन

चाडपर्वमा कुनै पनि आपराधिक गतिविधि हुन नदिन निमित्त आइजीको निर्देशन

बिहीबार, असोज ३०, २०७६ बागेश्वरी पोस्ट

काठमाडौं । निमित्त प्रहरी महानिरीक्षक पुष्कर कार्कीले जनआस्था र भरोसामा केन्द्रीत भई कार्यसम्पादन गर्न प्रहरी कर्मचारीलाई निर्देशन दिएका छन्। चिनियाँ राष्ट्रपति सी चिनफिङको भ्रमणमा उत्कृष्ट काम गरेको भन्दै महानगरीय प्रहरी कार्यालय तथा मातहत कार्यालयमा कार्यरत प्रहरी कर्मचारीलाई बिहीबार नेपाल पुलिस क्लबमा धन्यवाद दिँदै उनले यस्तो निर्देशन दिएका हुन्।

यस्ता विशिष्ट योगदान र कार्यबाट प्राप्त अनुभवलाई आगामी दिनमा अझै उत्कृष्ट तरिकाले प्रयोग गर्दै अगाडि बढ्न र सामूहिक तथा पारस्परिक सहयोगको भावनाले काम गरेमा सफलता हासिल गर्न सहज हुने पुष्टि भएको कार्कीले बताए।

साथै नजिकिँदै गरेका चाड शुभ दिपावली, छठ पर्व एवं नेपाल संवतको समयमा कुनै पनि आपराधिक गतिविधि हुन नदिन थप सक्रिय रुपमा जिम्मेवारी बहन गर्न पनि उनले निर्देशन दिए।

सुरक्षा व्यवस्थापनमा नेपाल प्रहरीले निर्वाह गरेको भूमिकाको प्रधानमन्त्री, गृहमन्त्री एवं चीन सरकारबाट समेत उच्च प्रशंसा भएको उल्लेख गर्दै उनले नेपाल प्रहरीले आफ्नो भूमिका सक्षमताका साथ प्रदर्शन गर्न सफल भएको बताए।

इमानदारिता, पारदर्शीता, व्यवसायिकता र निष्ठायुक्त प्रयासबाट नै सुरक्षाको प्रभावकारी व्यवस्थापन सम्भव भएको उनको भनाइ छ।

प्रकाशित मिति: बिहीबार, असोज ३०, २०७६ १७:५३

प्रतिक्रिया दिनुहोस्