बाँकेमा कांग्रेसका तीन दर्जन नेता कार्यकर्ता कारवाहीको दायरामा !

आम निर्वाचन-२०७९

गृहपृष्ठ
आम निर्वाचन-२०७९
बाँकेमा कांग्रेसका तीन दर्जन नेता कार्यकर्ता कारवाहीको दायरामा !

बाँकेमा कांग्रेसका तीन दर्जन नेता कार्यकर्ता कारवाहीको दायरामा !

मंगलबार, जेठ १७, २०७९ बागेश्वरी पोस्ट

नेपालगन्ज । नेपाली काँग्रेस बाँकेको जिल्ला अनुशासन शाखाले बैशाख ३० गते भएको पालिका निर्वाचनमा पार्टीका उम्मेदवारलाई असहयोग गर्ने तीन दर्जन नेता तथा कार्यकर्तालाई स्पष्टीकरण सोध्न जिल्ला कार्यसमितिलाई सिफारिस गरेको छ ।

जिल्ला अनुशासन शाखाका संयोजक टंकप्रसाद काफ्ले (आशिष) को अध्यक्षतामा आज बसेको बैठकले तल्ला कमिटीबाट आएका सिफारिसलाई अनुमोदन गर्दै जिल्ला कार्यसमितिलाई पठाएको हो । अब जिल्ला कार्यसमितिले उनीहरुलाई स्पष्टीकरण सोध्नेछ । स्पष्टीकरण चित्त नबुझे कारवाहीका लागि प्रदेश समितिलाई सिफारिस गर्ने काँग्रेस बाँकेका सभापति नारायणप्रसाद गौडेलले बताए ।

पालिकाको चुनावमा काँग्रेसका आधिकारिक उम्मेदवारहरुलाई असहयोग गरेपछि तल्ला कमिटीले ती नेता तथा कार्यकर्ताहरुको नाम लिस्टिङ गरेर अनुशासन शाखामा पठाएका थिए । पालिकाको चुनावमा असहयोग गर्नेमा सबैभन्दा धेरै जानकी, नरैनापुर र नेपालगन्जका नेता तथा कार्यकर्ताहरु रहेको संयोजक काफ्लेले बताए ।

प्रकाशित मिति: मंगलबार, जेठ १७, २०७९ १४:२०

प्रतिक्रिया दिनुहोस्