पत्रकार महासंघको स्थापना दिवसमा नयाँ मिडियाबारे अन्तरक्रिया

स्थानीय

गृहपृष्ठ
स्थानीय
पत्रकार महासंघको स्थापना दिवसमा नयाँ मिडियाबारे अन्तरक्रिया

पत्रकार महासंघको स्थापना दिवसमा नयाँ मिडियाबारे अन्तरक्रिया

बिहीबार, चैत १६, २०७९ बागेश्वरी पोस्ट

नेपालगञ्ज । नेपाल पत्रकार महासंघको ६८औं स्थापना दिवस बाँकेमा पनि मनाइएको छ । दिवसका अवसरमा बाँके शाखाले आज 'पत्रकारितामा नयाँ माध्यमका अवसर र चुनौती' विषयक अन्तरक्रिया कार्यक्रम गरेको छ ।

उपाध्यक्ष संगिन शर्माको अध्यक्षतामा सम्पन्न कार्यक्रममा महासंघका पूर्व केन्द्रिय सदस्य झलक गैरे, पूर्व अध्यक्षद्वय निरज गौतम र रुद्र सुवेदी, नेपाल प्रेस युनियन लुम्बिनी प्रदेश महासचिव नवीन गिरी, अन्नपूर्णपोष्ट दैनिकका उप-सम्पादक शंकरप्रसाद खनाल, मिसनटुडेकर्मी विरेन्द्र जैसी, कृष्णसारकर्मी कृष्ण अधिकारी लगायतले आ-आफ्नो धारणा राख्दै नयाँ मिडियाका आयामहरुबारे चर्चा गरेका थिए ।

May be an image of 9 people, people sitting, people standing and indoor

नयाँ मिडियाको जबर्जस्त उपस्थितिले परम्परागत र मूलधारका मिडियाका लागि चुनौती थपिएको भन्दै बक्ताहरुले नयाँ मिडियाको भरपूर सदुयोग गर्नुपर्नेमा जोड दिए । मूलधारका मिडियाका कन्टेन्ट सोसल मिडियामार्फत स्रोता, दर्शक र पाठकमाझ पुुर्याउनुपर्ने अवस्था बनेको भन्दै बक्ताहरुले नयाँ मिडियाको सुझबुझपूर्ण प्रयोग जरुरी रहेको बताए । डिजिटल मिडियाको नयाँ आयामको रुपमा विकास भएको अनलाइन पोर्टलहरु दर्ता गरेर मात्र सञ्चालन गर्नुपर्नेम जोड दिइएको छ ।

यस्तै समाचारको स्रोत उल्लेख नगरी हुबहु नक्कल गर्ने प्रबृत्ति बढेकोप्रति चिन्ता व्यक्त गर्दै नागरिकको विश्वास जित्न इमान्दार र सत्यतथ्यपूर्ण पत्रकारिता गर्नुपर्ने आवश्यकता औंल्याइएको छ । नयाँ मिडियाको प्रसार क्षमता उच्च रहेकाले सावधानी अपनाउन जरुरी रहेको बक्ताहरुको भनाई छ । स्थापना दिवस मनाउने क्रममा केक पनि काटिएको थियो । कार्यक्रममा स्वागत मन्तब्य उपाध्यक्ष करुणा शाह र सञ्चालन सचिव कमल डाँगीले गरेका थिए ।

May be an image of 5 people and people standing May be an image of 6 people and people sitting