अटिजम भएका बालबालिकालाई विद्यालयसम्म पुर्याउन इरिक्सा सहयोग

स्थानीय

गृहपृष्ठ
स्थानीय
अटिजम भएका बालबालिकालाई विद्यालयसम्म पुर्याउन इरिक्सा सहयोग

अटिजम भएका बालबालिकालाई विद्यालयसम्म पुर्याउन इरिक्सा सहयोग

शुक्रबार, जेठ २६, २०८० बागेश्वरी पोस्ट

नेपालगञ्ज । लायन्स क्लब अफ नेपालगञ्ज पीएनएलएफले सरस्वती प्राथमिक विद्यालय नेपालगन्ज–९ लाई इरिक्सा सहयोग गरेको छ  । भेरी अस्पताल नेपालगन्जमा आयोजित कार्यक्रममा नेपालगञ्ज उपमहानगरपालिकाका नगर प्रमुख प्रशान्त विष्ट, क्लबका अध्यक्ष केशव न्यौपाने लगायत लायन्स लिडरहरूले विद्यालयका प्रतिनिधिलाई इरिक्सा हस्तान्तरण गरेका थिए ।

त्यसक्रममा बोल्दै नगर प्रमुख विष्टले अटिजम भएका बालबालिकाको समस्या र समस्या समाधानका लागि स्थानीय तहले खेल्न सक्ने भूमिकाबारे आफ्नो चासो रहेको बताएका छन्  । उनले अटिजम भएका बालबालिका केन्द्रित बजेट विनियोजन गर्ने प्रतिबद्धता जनाउँदै पूर्वाधारमा सहयोग गर्ने प्रतिबद्धता जनाएका छन् । क्लबमा आबद्ध भेरी अस्पताल नेपालगञ्जका प्रमुख मेडिकल सुपरिटेन्डेन्ट डा. बद्री चापागाई र नेपालगञ्ज मेडिकल कलेजमा कार्यरत बालरोग विशेषज्ञ डा.पियुष कनोडियाले अटिजम भएका बालबालिकालाई विद्यालयसम्म पुर्याउन र घर छाड्न यातायातको समस्या रहेको थाहा पाएपछि क्लबले अग्रसरता लिएको बताए । लायन्स क्लब अफ इन्टरनेशनल डिष्ट्रिक २२५ का एनका इलेक्टेड गर्भनर मुकुट ढकालले लायन्स निरन्तर मानवीय सेवामा रहेको बताए  ।

क्लबका अध्यक्ष न्यौपानेले ‘लायन्स फर पिपुल विथ अटिजम’ भन्ने मूल नाराका साथ आफूहरूले सहयोग गरेको र स्थानीय तहले कार्यक्रम बनाए त्यसमा साथ, सहयोग र समन्वयका लागि क्लब तयार रहेको बताए । उनले करिब ४ लाख लागतमा इरिक्सा तयार गरेर विद्यालयलाई हस्तान्तरण गरेको जानकारी दिए  । क्लबका सचिव डा.राजेश केशर खनालले सञ्चालन गरेको कार्यक्रममा वडा नं. ९ का वडाध्यक्ष गोविन्द रेग्मी, लायन्स लिडर शेम शाक्य, मिना ढकाल लगायतको सहभागिता रहेको थियो ।

प्रकाशित मिति: शुक्रबार, जेठ २६, २०८० ०७:३६