६ घण्टा फेसबुक बन्द हुँदा मार्क जुकरवर्गले गुमाए ७ अर्ब डलर

विश्व

गृहपृष्ठ
विश्व
६ घण्टा फेसबुक बन्द हुँदा मार्क जुकरवर्गले गुमाए ७ अर्ब डलर

६ घण्टा फेसबुक बन्द हुँदा मार्क जुकरवर्गले गुमाए ७ अर्ब डलर

मंगलबार, असोज १९, २०७८ बागेश्वरी पोस्ट

नेपालगन्ज । मार्क जुकरवर्गको कुल सम्पत्तिमा ७ अर्ब डलरले कमी आएको छ।
फेसबुक, ईन्स्टाग्राम र व्हाट्सएप करिब ६ घण्टासम्म बन्द भएपछि शेयर बजारमा कारोबार रकम ४.८५ ले घटेको छ।

जुकरवर्गले फेसबुक लगायत सञ्जालहरू बन्दा हुँदा एक घण्टामा उक्त रकम गुमाएको जनाइएको छ। अब जुकरवर्ग विश्वका धनीहरूको सुचीमा पाँचौँ स्थानमा छन्। उनी माईक्रोसफ्टका संस्थापक बिल गेट्स भन्दा पछि परेको जनाइएको छ।

फेसबुक, इन्स्टाग्राम र ह्वाट्सएपजस्ता सामाजिक संजाल करिब ६ घण्टासम्म बन्द भएको थियो । जसका कारण अरबौँ प्रयोगकर्ताले समस्या खेप्नु परेको थियो । विश्वभर यस्ता प्लेटफर्मका ६ अर्ब २३ करोड प्रयोगकर्ता छन् । तीमध्ये फेसबुकका २.८५ अर्ब, ह्वाट्सएपका २ अर्ब र इन्स्टाग्रामका १.३८ अर्ब रहेका छन् ।

गए राति ९ः३० बजेदेखि समस्या आएको थियो। त्यस लगत्तै ट्वीटरमा यसबारे प्रतिक्रिया आउन थालेको थियो ।फेसबुकका १ करोडभन्दा बढीले लामो समयसम्म पनि समाधान नभएको भन्दै गुनासो गरिरहेका थिए।

यसैबीच फेसबुक, ह्वाट्सएप र इन्स्टाग्रामका सीईओ मार्क जुकरबर्गले माफी मागेका छन् । समस्या आए पनि समस्या के कारणले आयो भनी कम्पनीले बताउने गरेको छैन । यसअघि ६ महिना पहिले पनि ४२ मिनेटसम्म यी प्लेटफर्ममा समस्या आएको थियो।

प्रकाशित मिति: मंगलबार, असोज १९, २०७८ १२:३०