जानकी गाउँपालिकामा मानव बेचबिखन तथा ओसारपसारविरुद्ध अभिमुखीकरण

स्थानीय

गृहपृष्ठ
स्थानीय
जानकी गाउँपालिकामा मानव बेचबिखन तथा ओसारपसारविरुद्ध अभिमुखीकरण

जानकी गाउँपालिकामा मानव बेचबिखन तथा ओसारपसारविरुद्ध अभिमुखीकरण

शुक्रबार, वैशाख २६, २०८२ बागेश्वरी पोस्ट

नेपालगञ्ज । बाँकेको जानकी गाउँपालिकाले मानव बेचबिखन तथा ओसारपसारविरुद्ध अभिमुखीकरण कार्यक्रम सञ्चालन गरेको छ । जानकी गाउँपालिका महिला बालबालिका तथा जेष्ठ नागरिक शाखाको आयोजनामा मानव बेचबिखन तथा ओसारपसारविरुद्ध दुई दिने अभिमुखीकरण कार्यक्रम सञ्चालन गरिएको हो ।

कार्यक्रममा गाउँपालिकाका प्रमुख प्रशासकीय अधिकृत नर वहादुर विकले सहभागी महिलाहरुलाई भत्ता महत्वपूर्ण नभई राम्रो कुरा सिकेर समाजलाई सचेत बनाउने भूमिका खेल्नका लागि आग्रह गरे । गाउँपालिकाका सामाजिक विकास समिति संयोजक रामआचल धोवीले जानकीका महिलाहरु मानव बेचबिखन तथा ओसारपसारमा नफसुन् भनेर नै अभिमुखीकरण कार्यक्रम सञ्चालन गरिएको बताए ।

महिला बालबालिका तथा जेष्ठ नागरिक शाखाकी प्रमुख कल्पना गाहाले सञ्चालन गरेको कार्यक्रममा गाउँपालिकाकी उपाध्यक्ष रामप्यारी यादव, प्रमुख प्रशासकीय अधिकृत विक, सामाजिक विकास समिति संयोजक धोवी, कार्यपालिका सदस्यहरु कमलादेवी यादव र निर्मला हरिजन, योजना शाखाकी प्रमुख शोभा पौडल, प्रशासन प्रमुख गोपीचन्द्र चौलागाईं, महिला बालबालिका तथा जेष्ठ नागरिक शाखाकी सविता श्रेष्ठ लगायतको उपस्थिति रहेको थियो ।

अभिमुखीकरण कार्यक्रमको प्रशिक्षकमा माइती नेपालका संयोजक केशव कोइराला छन् । अभिमुखीकरणमा ४० जना प्रशिक्षार्थीहरुको सहभागिता रहेको छ । आजदेखि सुरु भएको कार्यक्रम भोलि सकिनेछ ।

प्रकाशित मिति: शुक्रबार, वैशाख २६, २०८२ १९:३४

प्रतिक्रिया दिनुहोस्