रुसको प्रतिकार गर्न अमेरिकी सेना हाईअलर्टमा

विश्व

गृहपृष्ठ
विश्व
रुसको प्रतिकार गर्न अमेरिकी सेना हाईअलर्टमा

रुसको प्रतिकार गर्न अमेरिकी सेना हाईअलर्टमा

मंगलबार, माघ ११, २०७८ बागेश्वरी पोस्ट

नेपालगन्ज । अमेरिकी रक्षा मन्त्रालय पेन्टागनले साढे ८ हजार सेनालाई उच्च सतर्क अवस्थामा राखेको जनाएको छ । युक्रेनले रुसमाथि हमला गर्नसक्ने आशंकाबीच अमेरिकाले आफ्ना सेनालाई उच्च सर्तकतामा राखेको हो ।

रुसले युक्रेनको सीमा नजिकै विगत एक महिनादेखि एक लाख सेना परिचालन गरेको छ । युक्रेनलाई लिएर अमेरिकी राष्ट्रपति जो बाइडेनले युरोपेका साझेदार देशहरुसँग छलफल गरेका थिए । भर्चुअल भिडियो छलफलमा रुसविरुद्ध सामूहिक रणनीति अपनाउने विषयमा कुराकानी भएको थियो । पेन्टानगनका प्रवक्ता जोन कर्बीले रुसी सेना उपस्थिति रहेको क्षेत्रमा तनाव सृजना भएमा आफ्ना सेना त्यस क्षेत्रमा पठाइने बताएका छन् ।

रुसले युक्रेनमा हमला गरेमा अमेरिकी सेनाले जुनसुकै बेला प्रतिकार लिने अमेरिकी रणनीति रहेको विज्ञहरुले बताएका छन् ।यसअघि रुसले अतिक्रमण गरेर युक्रेनी भूमि क्रिमिया आफ्नो क्षेत्रमा विलय गराउन सफल भएको थियो ।

रुसी अतिक्रमणमणको अन्तराष्ट्रिय समुदायले विरोध गर्दै आएको छ । हाम्राकुराबाट

प्रकाशित मिति: मंगलबार, माघ ११, २०७८ ०९:२७