बलिउडका चर्चित अभिनेता ऋषि कपुरको निधन

मनोरञ्जन

गृहपृष्ठ
मनोरञ्जन
बलिउडका चर्चित अभिनेता ऋषि कपुरको निधन

बलिउडका चर्चित अभिनेता ऋषि कपुरको निधन

बिहीबार, वैशाख १८, २०७७ एजेन्सी

नेपालगन्ज । बलिउडका चर्चित अभिनेता ऋषि कपुरको निधन भएको छ । अमिताभ बचनले एक ट्वीट गर्दै कपुरको निधनको पुष्टि गरेका छन् ।

६७ वर्षीय कपुर दुई वर्षदेखि फोक्सोको क्यान्सरको उपचार गरिरहेका थिए । सर एचएन रिलायन्स फाउन्डेसन अस्पताल मुम्बईमा उनले अन्तिम स्वास फेरेका हुन् । मृत्यूको बेला उनकी पत्नी तथा अभिनेतृ नीतु कपूर पनि सँगै थिइन् ।

उनका भाइ रणधिर कपूरले ऋषिलाई अस्पतालमा भर्ना गरिएको बताएका थिए । बुधबार उनले दाईको स्वास्थ्य अवस्था बिग्रिएपछि अस्पताल भर्ना गरिएको जानकारी दिएका थिए ।

सन् २०१८ मा कफुरलाई क्यान्सर भएको पत्ता लागेपछि झण्डै एक वर्षसम्म अमेरिकाको न्यूयोर्कमा उपचार गरेका थिए । उनी उपचारपछि सेप्टेम्बर २०१९ मा भारत फर्किएका थिए ।

स्वास्थ्यमा आरोह अवरोह देखिएपछि उनी निरन्तर अस्पतालको निगरानीमा रहेका थिए । गत फेब्रुअरीमा पनि उनलाई अस्पताल भर्ना गरिएको थियो ।

ऋषि अभिनेता राज कपूरका दोस्रो पुत्र हुन् । १९७३ मा बलिउडमा डेब्यू गरेका उनी लगातार बलिउडमा छाइरहे । अमर अकबर एन्थोनी, लैला मज्नु, रफू चक्कर, सरगम कर्ज, बोल राधा बोल लगायतका सफल चलचित्रमा अभिनय गरेका उनी जीवनको अन्तिम समयमा पनि चलचित्रबाट टाढा रहेनन् ।

प्रकाशित मिति: बिहीबार, वैशाख १८, २०७७, १०:५१:००