नयाँ व्यवस्थापनका साथ सुरु भयो नेपालगन्जको लक्ष्मी सरस्वती पोलिक्लिनिक एण्ड डायग्नोष्टिक सेन्टर

स्वास्थ्य

गृहपृष्ठ
स्वास्थ्य
नयाँ व्यवस्थापनका साथ सुरु भयो नेपालगन्जको लक्ष्मी सरस्वती पोलिक्लिनिक एण्ड डायग्नोष्टिक सेन्टर

नयाँ व्यवस्थापनका साथ सुरु भयो नेपालगन्जको लक्ष्मी सरस्वती पोलिक्लिनिक एण्ड डायग्नोष्टिक सेन्टर

सोमबार, माघ १, २०८० बागेश्वरी पोस्ट

नेपालगन्ज । नेपालगन्जमा सुविधा सम्पन्न पोलिक्लिनिक एण्ड डायग्नोष्टिक सेन्टर नयाँ व्यवस्थापनका साथ आजदेखि सन्चालनमा आएको छ । नेपालगन्ज-१० गणेशमान चोकस्थित लक्ष्मी सरस्वती पोलिक्लिनिक एण्ड डायग्नोष्टिक सेन्टर प्रा.लि. आजदेखि विधिवतरुपमा उद्घाटन भई सन्चालनमा आएको हो ।

आज दिउँसो एक कार्यक्रमका बीच तीन बालिकाले रिवन काटेपछि विधिवतरुपमा सन्चालनमा आएको उक्त पोलिक्लिनिक एण्ड डायग्नोष्टिक सेन्टरमा विभिन्न विशेषज्ञ सेवासहित अनुभवी चिकित्सकहरुले सेवा सुरु गरेका छन् ।

पोलिक्लिनिक एण्ड डायग्नोष्टिक सेन्टरमा सुपर स्प्यासिलिटी सेवामा न्युरो केयर सेवा, नेफ्रो केयर सेवा तथा ग्यास्ट्रो केयर, मानसिक स्वास्थ्य, प्रसुति तथा स्त्रीरोग सम्वन्धि सेवा, बालराेग, हाडजाेर्नी, फिजिसियन सेवा, मृगाैला राेग जस्ता सेवालाई प्राथमिकता दिई सन्चालन गरिएको छ ।

साथै त्यस सेन्टरमा आउने अन्य बिरामीहरुका लागि त्यहाँका चिकित्सक बाहेकका अन्य विशेषज्ञ सेवाका चिकित्सकहरुसँगै उक्त सेन्टरमै जाँच गराइने सन्चालकले जानकारी दिएका छन् ।

त्यस सेन्टरमा न्युरो सर्जन डा. सुवोध गौतम, कन्सल्टेन्ट फिजिसियन तथा मृगौला रोग विशेषज्ञ डा. सौरभ हमाल, ग्यास्ट्रो सर्जन डा. कृष्ण मोहन अधिकारी र नाक कान घाँटी विशेषज्ञ डा. कपिल शाही लगायत अन्य विशेषज्ञ चिकित्सकहरुले सेवा सुरु गरेका हुन् ।

उक्त पोलिक्लिनिक एण्ड डायग्नोष्टिक सेन्टरमा सुपर स्प्यासिलिटी सेवामा न्युरो केयर सेवा, नेफ्रो केयर सेवा तथा ग्यास्ट्रो केयर सेवालाई प्राथमिकता दिई संचालन गरिएको छ ।साथै त्यस सेन्टरमा आउने अन्य बिरामीहरुका लागि सम्बन्धित विशेषज्ञ सेवाका चिकित्सकहरुबाटै उक्त सेन्टरमै जाँच गराइने सन्चालकले जानकारी दिएका छन् ।

प्रकाशित मिति: सोमबार, माघ १, २०८० २२:२०

प्रतिक्रिया दिनुहोस्