डुडुवा गाउँपालिकामा १५ सैयाको अस्पताल संचालन हुँदै

स्वास्थ्य

गृहपृष्ठ
स्वास्थ्य
डुडुवा गाउँपालिकामा १५ सैयाको अस्पताल संचालन हुँदै

डुडुवा गाउँपालिकामा १५ सैयाको अस्पताल संचालन हुँदै

आइतबार, मंसिर १, २०७६ सुनिल रेग्मी

डुडुवा (बाँके)। डुडुवा गाउँपालिका वार्ड नं. ५ अन्र्तगत नवनिर्मित कम्दी स्वास्थ्य चौकीको साढे दुई तले भवनको उदघाटन गरिएको छ । गाउँपालिका अध्यक्ष नरेन्द्रकुमार चौधरीले भवनको उदघाटन गर्दै पालिकास्तरमा १५ सैययाको अस्पताल निमार्णको तयारी भईरहेको बताउनुभयो ।

उहाँले अस्पताल निमार्णका लागि चाहिने जग्गाको व्यवस्थापन भईरहेको भन्दै गाउँपालिकामा स्वास्थ्य सम्वन्धी समस्याको समाधानका लागि आवश्यक बजेट तथा जनशक्तिको व्यवस्थापन गर्ने बताउनुभयो । अध्यक्ष चौधरीले समुदायस्तरमा महिला स्वास्थ्य स्वयम्सेविकाहरुको भुमिका महत्वपुर्ण भएकाले उनीहरुको योगदानको प्रंशासा गर्दै कार्यक्षेत्रमा आवत जावत गर्नका आगामी दिनमा यातायात सवारीका लागि साईकिलको व्यवस्थापन गर्ने बताउनुभयो ।

उहाँले वडा नंं ५ ठुलो भौगोलिक क्षेत्र र जनसंख्या भएकाले सेवाग्राहीलाई पायक पर्ने स्थान डलैपुरमा समुदायिक स्वास्थ्य सेवा इकाई स्थापना गर्ने बताउनुभयो । उद्घाटन समारोहमा गाउँपालिका स्वास्थ्य शाखा संयोजक धनबहादुर बुढा, स्वास्थ्य चौकी इन्चार्ज थीरमानसिंह रोकाय, माहिला स्वयम्सेविका सरस्वती बुढाथोकी लगायतले बोल्नु भएको थियो । वडाध्यक्ष प्रशुराम बुढाथोकीको अध्यक्षतामा सम्पन्न कार्यक्रममा भवन निमार्णका जग्गादान गर्ने ६ जनालाई दोसल्ला ओढाएर सम्मान गरिएको थियो ।

७ कठठा जमिनमा रु २ करोड ४७ लाख ४१ हजार ८१६ को लागतामा साढे दुई तलाको भवन निमार्ण भएको स्वास्थ्य चौकी इन्चार्ज थीरमानसिंह रोकायले बताउनुभयो । सो भवनमा निशुल्क प्रयोगशाला र बर्थिङ्ग सेन्टर सञ्चालनमा रहेको छ भने १५ जना जनशक्तिले २४ सै घण्टा सेवा दिईरहेको छ । गाउँपालिकाको वडा नंं २ र ५ मा स्वास्थ्य चौकीको अत्याधुनिक भवन निमार्ण भईसकेको छ ।

प्रकाशित मिति: आइतबार, मंसिर १, २०७६ ०८:१४