उद्योग मन्त्री बने भाग्यमानी गैरसांसद् हमाल

राजनीति

गृहपृष्ठ
राजनीति
उद्योग मन्त्री बने भाग्यमानी गैरसांसद् हमाल

उद्योग मन्त्री बने भाग्यमानी गैरसांसद् हमाल

शुक्रबार, असोज २२, २०७८ बागेश्वरी पोस्ट

उद्योग बाणिज्य तथा आपूर्ति मन्त्री गजेन्द्र हमाल

नेपालगञ्ज । प्रधानमन्त्री शेरबहादुर देउबाले आज विस्तार गरेको मन्त्रीमण्डलमा बाँके कांग्रेसका पुराना नेता गजेन्द्र हमाल पनि परेका छन् । तर, उनी सांसद् होइनन् । गैरसांसद् हमाल क्याबिनेट मन्त्री बन्ने भाग्यमानी पात्र बनेका छन् ।

उनी प्रधानन्यायाधिश चोलेन्द्र शमशेर राणाको सिफारिसमा मन्त्री बनेको बताइएको छ । पछिल्लो समय कांग्रेस राजनीतिमा त्यति सक्रिय नदेखिएका हमाल बाँके कांग्रेसका पुराना नेता हुन् । उनी संविधानतः ६ महिना मन्त्री बन्न पाउनेछन् । उद्योग बाणिज्य तथा आपूर्ति मन्त्रालयको जिम्मेवारी पाएका हमाल प्रधानन्यायाधिश राणाका जेठान हुन् ।

को हुन् गजेन्द्र हमाल ?

नेपालगन्ज निवासी हमाल २०२८ सालमा शेरबहादुर देउवा नेपाल विद्यार्थी संघको केन्द्रिय अध्यक्ष हुँदा नेविसंघको बाँके जिल्ला अध्यक्ष थिए । २०३९ र २०४४ मा वडा अध्यक्ष बनेका हमाल २०५३ सालमा नेपाली कांग्रेस बाँकेका सभापति बनेका थिए । पार्टी विभाजन हुँदा उनले शेरबहादुर देउवालाई साथ दिएका थिए । त्यसपछि उनी नेपाली कांग्रेस प्रजातान्त्रिकको बाँके जिल्ला सभापति भए । २०६४ सालको पहिलो संविधानसभा निर्वाचनमा हमाल बाँके क्षेत्र नम्बर १ मा उम्मेदवार बनेका थिए । तर, उनी पराजित भए । उनी लुम्बिनी प्रदेश सांसद सुरेन्द्र हमालका दाई हुन् । हमाल पनि लुम्बिनी प्रदेशमा बन मन्त्री बन्दैछन् ।

प्रकाशित मिति: शुक्रबार, असोज २२, २०७८ १६:१६

प्रतिक्रिया दिनुहोस्