कांग्रेस बाँकेका नेताहरुले सभापति एवम् प्रधानमन्त्री देउबालाई भेटे

राजनीति

गृहपृष्ठ
राजनीति
कांग्रेस बाँकेका नेताहरुले सभापति एवम् प्रधानमन्त्री देउबालाई भेटे

कांग्रेस बाँकेका नेताहरुले सभापति एवम् प्रधानमन्त्री देउबालाई भेटे

बिहीबार, असार १६, २०७९ बागेश्वरी पोस्ट

नेपालगञ्ज । नेपाली कांग्रेस बाँकेका नेताहरुले आज पार्टी सभापति एवम् प्रधानमन्त्री शेरबहादुर देउबालाई भेटेका छन् । सभापति एवम् प्रधानमन्त्री देउबालाई भेट्न कांग्रेस नेताहरु प्रधानमन्त्री निवास बालुवाटार पुगेका थिए ।

भेटघाटमा समसामयिक राजनीति, जिल्लाको अवस्था, भर्खरै सम्पन्न स्थानीय चुनावको नतिजा, आगामी चुनावका विषयमा छलफल भएको नेपाली कांग्रेस बाँकेका प्रबक्ता डिल्ली गिरीले बताए । त्यसक्रममा सभापति देउबाले स्थानीय चुनावमा कांग्रेसले बाँकेमा पाएको अभूतपूर्व सफलताको प्रशंसा गरेको गिरीले बताए ।

देउबालाई भेट्न नेपाली कांग्रेस बाँकेका सभापति नारायणप्रसाद गौडेल, निर्वतमान उपसभापति फूलाराम थारु, महासमिति सदस्य द्रोपदी ओली, कोषाध्यक्ष यज्ञबहादुर बस्नेत, प्रवक्ता गिरी, क्षेत्र नम्बर १ का क्षेत्रीय सभापति पोषण केसी, कांग्रेस नेतृ एवम् नेपालगञ्ज उपमहानगरपालिकाकी निवर्तमान उपप्रमुख उमा थापा मगर लगायत नेताहरु बालुवाटार गएका हुन् ।

प्रकाशित मिति: बिहीबार, असार १६, २०७९ १५:३१

प्रतिक्रिया दिनुहोस्