सलाह चम्किँदा इजिप्ट विजयी, स्पेनको फराकिलो जित; उरुग्वे–केप भर्डे र बेल्जियम–इरान बराबरी

खेलकुद

गृहपृष्ठ
खेलकुद
सलाह चम्किँदा इजिप्ट विजयी, स्पेनको फराकिलो जित; उरुग्वे–केप भर्डे र बेल्जियम–इरान बराबरी

सलाह चम्किँदा इजिप्ट विजयी, स्पेनको फराकिलो जित; उरुग्वे–केप भर्डे र बेल्जियम–इरान बराबरी

सोमबार, असार ८, २०८३ बागेश्वरी पोस्ट

काठमाडौं । फिफा विश्वकप २०२६ अन्तर्गत समूह ‘जी’ को खेलमा मोहम्मद सलाह प्रेरित इजिप्टले न्युजिल्यान्डलाई ३–१ ले पराजित गरेको छ ।

खेलको १५औँ मिनेटमा एफ. सुर्मानको गोलबाट न्युजिल्यान्डले अग्रता लिए पनि इजिप्टले उत्कृष्ट पुनरागमन गर्‍यो । ५८औँ मिनेटमा एम. जिकोले बराबरी गोल गरे भने ६७औँ मिनेटमा सलाहले गोल गर्दै टोलीलाई अग्रता दिलाए । ८२औँ मिनेटमा ट्रेजेगेटले गोल थपेपछि इजिप्ट ३–१ को विजेता बन्यो ।

समूह ‘जी’ कै अर्को खेलमा बेल्जियम र इरानले गोलरहित बराबरी खेले । खेलको ६७औँ मिनेटमा बेल्जियमका नाथन एन्गोय रातो कार्ड पाउँदै मैदानबाट बाहिरिएपछि बेल्जियम १० खेलाडीमा सीमित भएको थियो ।

यता समूह ‘एच’ मा उरुग्वे र केप भर्डेले २–२ को रोमाञ्चक बराबरी खेले । उरुग्वेका लागि म्याक्सिमिलियानो अराउजोले ४४औँ मिनेटमा तथा अगस्टिन कानोब्बियोले पहिलो हाफको अतिरिक्त समयमा गोल गरेका थिए । केप भर्डेका लागि केभिन पिनाले २१औँ मिनेटमा र हेलियो भारेलाले ६१औँ मिनेटमा गोल गर्दै टोलीलाई बराबरी दिलाए ।

समूह ‘एच’ कै अर्को खेलमा स्पेनले साउदी अरेबियामाथि ४–० को सानदार जित दर्ता गर्‍यो। स्पेनको जितमा लामिन यामालले १०औँ मिनेटमा गोल गरे भने मिकेल ओयार्जाबालले २१औँ र २४औँ मिनेटमा दुई गोल थपे । साउदी अरेबियाका हसन ताम्बाक्तीबाट ४९औँ मिनेटमा भएको आत्मघाती गोलले स्पेनको जित अझ फराकिलो बन्यो ।

प्रकाशित मिति: सोमबार, असार ८, २०८३ ०८:५८

प्रतिक्रिया दिनुहोस्