मोरङमा आजको एसईईको परीक्षामा पक्राउ पर्ने नक्कली परीक्षार्थीको संख्या १९९ पुग्यो

सुरक्षा-अपराध

गृहपृष्ठ
सुरक्षा-अपराध
मोरङमा आजको एसईईको परीक्षामा पक्राउ पर्ने नक्कली परीक्षार्थीको संख्या १९९ पुग्यो

मोरङमा आजको एसईईको परीक्षामा पक्राउ पर्ने नक्कली परीक्षार्थीको संख्या १९९ पुग्यो

बिहीबार, चैत २३, २०७९ बागेश्वरी पोस्ट

सांकेतिक तस्बिर

नेपालगन्ज । मोरङमा आज बिहान भएको एसईईमा एउटै परीक्षा केन्द्रबाट थप ८३ जना नक्कली परीक्षार्थी पक्राउ परेका छन् ।

प्रहरीले सामाजिक विषयको परीक्षा दिंदै गरेका नक्कली परीक्षार्थीहरु मध्ये केराबारी गाउँपालिका- ७ स्थित सार्वजनिक माध्यमिक विद्यालयबाट १२७ जना र सुन्दरहरैचा नगरपालिका- १ स्थित जनता माध्यामिक विद्यालयबाट २० पक्राउ गरिएको प्रहरीले जनाएको छ ।

प्रहरीले यसअघि उक्त सार्वजनिक माध्यमिक विद्यालयबाट ४४ जना नक्कली परीक्षार्थी पक्राउ गरेको जनाएपनि सबै जाँच गर्दा थप ८३ जना पक्राउ परेको बताएको छ ।

त्यस्तै मोरङको ग्रामथानमा गाउँपालिका–२ झोराहाटस्थित सरस्वती नमुना माविको परीक्षा केन्द्रबाट एसईईको सामाजिक विषय दिइरहेका ५२ जना नक्कली परीक्षार्थी पक्राउ परेको मोरङ प्रहरीले जानकारी दिएको छ । बुधबार पनि मोरङबाट थप २ जना नक्कली परीक्षार्थीलाई पक्राउ गरेको थियो ।

परीक्षा केन्द्रमा सक्कली परीक्षार्थीको प्रवेशपत्रमा फोटो चप्काएर नक्कली परीक्षार्थीले परीक्षा दिइरहेको अवस्थामा शंका लागेर केन्द्राध्यक्षले जन्म मिति सोध्न पुग्दा भन्न नसकेपछि उनीहरु नक्कली परीक्षार्थी रहेको खुल्न आएको प्रहरीले बताएको छ ।

पक्राउ परेका नक्कली परीक्षार्थीहरुसँग थप अनुसन्धान भइरहेको जिल्ला प्रहरी कार्यालय मोरङले जानकारी दिएको छ ।

प्रकाशित मिति: बिहीबार, चैत २३, २०७९ १३:२८