प्रहरीका डीआईजीहरूको सरुवा, कुन प्रदेशमा को ? (सूचीसहित)

सुरक्षा-अपराध

गृहपृष्ठ
सुरक्षा-अपराध
प्रहरीका डीआईजीहरूको सरुवा, कुन प्रदेशमा को ? (सूचीसहित)

प्रहरीका डीआईजीहरूको सरुवा, कुन प्रदेशमा को ? (सूचीसहित)

आइतबार, वैशाख २१, २०८२ बागेश्वरी पोस्ट

काठमाडौं । नेपाल प्रहरीका ७ जना डीआईजीहरुको सरुवा भएको छ । गृह मन्त्रालयले रिक्त रहेका प्रदेश र एक ब्यूरोमा डीआईजीहरुको सरुवा गरेको हो ।

कोशी प्रदेश प्रहरी कार्यालयमा डीआईजी ईश्वर कार्कीको सरुवा भएको छ । मधेस प्रदेशमा उमा प्रसाद चतुर्वेदी, बागमतीमा अरुण पौडेल, गण्डकीमा दिनेश कुमार आचार्य, लुम्बिनीमा राजेन्द्र प्रसाद भट्ट, डम्बरबहादुर बिकको सुदूरपश्चिम प्रदेश प्रहरी कार्यालयको प्रमुखमा गृह मन्त्रालयले सरुवा गरेको हो ।

त्यसैगरी डीआईजी गोबिन्द थपलियाको केन्द्रीय अनुसन्धान ब्यूरो (सीआईबी) मा सरुवा भएको छ ।

यसअघि कोशीका राजन अधिकारी, मधेसका लालमणि आचार्य, बागमतीका कृष्णहरी शर्मा पोखरेल, लुम्बिनीका दानबहादुर कार्की एआईजीमा बढुवा हुँदा ती स्थानमा प्रमुख पद रिक्त हुँदै आएको थियो ।

सुदूरपश्चिममा डीआईजी गणेश चन्द अवकाश गएपछि त्यहाँको डीआईजीको पद रिक्त थियो भने कर्णालीमा पनि जनक भट्टराई एआईजी बढुवा भएपछि रिक्त छ । भट्टराई एआईजीबाट अवकाश भइसकेका छन् । कर्णालीमा अहिलेको सरुवामा कसैको सरुवा गरिएको छैन । त्यसैगरी गण्डकीमा डीआईजी भोला बहादुर रावलको अवकाशले त्यहाँको पनि डीआईजी पद रिक्त भएको हो ।