डियुटीमा खटिएका सशस्त्र प्रहरीका सईमाथी खुकुरी प्रहार

सुरक्षा-अपराध

गृहपृष्ठ
सुरक्षा-अपराध
डियुटीमा खटिएका सशस्त्र प्रहरीका सईमाथी खुकुरी प्रहार

डियुटीमा खटिएका सशस्त्र प्रहरीका सईमाथी खुकुरी प्रहार

शनिबार, वैशाख २३, २०८० बागेश्वरी पोस्ट

नेपालगन्ज । डियुटीमा खटिएका एक जना सशस्त्र प्रहरी नायब निरीक्षक ( सई) माथि खुकुरी प्रहार भएको छ ।

कन्चनपुरको दोधारा चाँदनी नगरपालिका-७ कञ्चन भोजमा बीओपीका प्रमुख सशस्त्र प्रहरी नायब निरीक्षक नरेन्द्र चैंसिरमाथि गए राति स्थानीय युवाहरुको समूहले खुकुरी प्रहार गरेका छन् ।

गए राति करिब साढे १० बजेको समयमा सशस्त्र प्रहरीका सई चैसिरमाथि खुकुरी प्रहार भएको कन्चनपुर प्रहरीले जानकारी दिएको छ।

कञ्जभोजस्थि जोगबुढा नदीको झोलुंगे पुलमाथि बसेर स्थानीय युवाहरुले होहल्ला गरिरहेको अवस्थामा सम्झाइबुझाइ गर्दा सईमाथी खुकुरी प्रहार भएको प्रहरीले जानकारी दिएको छ। चैसिरको बायाँ पाखुरामा चोट लागेको छ ।

सईलाई खुकुरी प्रहार गर्ने युवाहरु फरार भएकाले उनीहरुको खोजी भइरहेको प्रहरीले जनाएको छ ।

प्रकाशित मिति: शनिबार, वैशाख २३, २०८० ०९:५०