दुई मोटरसाइकल ठोक्किए, उछिट्टिएर खसेका एकको बसले किचेर मृत्यु

सुरक्षा-अपराध

गृहपृष्ठ
सुरक्षा-अपराध
दुई मोटरसाइकल ठोक्किए, उछिट्टिएर खसेका एकको बसले किचेर मृत्यु

दुई मोटरसाइकल ठोक्किए, उछिट्टिएर खसेका एकको बसले किचेर मृत्यु

आइतबार, मंसिर १७, २०८० बागेश्वरी पोस्ट

नेपालगन्ज । सर्लाहीमा मोटरसाइकलबाट उछिट्टिएर खसेका एकजनालाई बसले किचेर मृत्यु भएको छ ।

जिल्लाको पूर्वपश्चिम राजमार्ग अन्तर्गत बागमती नगरपालिका वडा नम्बर ४ स्थित पुरानो चौकी नजिक दुई वटा मोटरसाइकल एक आपसमा ठोक्किँदा मोटरसाइकलबाट उछिट्टिएर खसेका एक जनाको बसले किचेर मृत्यु भएको सर्लाही प्रहरीले जानकारी दिएको छ ।

प्रहरीका अनुसार बसले किचेर अन्दाजी ३५ वर्षीय पुरुषको घटनास्थलमै मृत्यु भएको थियो । उनको अझै पहिचान खुल्न सकेको छैन ।

शनिबार साँझ ७ बजे प्र २ ०३ ००६ प ६७ नम्बरको मोटरसाइकल र बा २ ब ५७६६ नम्बरको मोटरसाइकल ठोक्किएका थिए । ठक्करबाट प्र २ ०३ ००६ प ६७ नम्बरको मोटरसाइकलबाट लडेका व्यक्तिलाई मलंगवाबाट काठमाडौंतर्फ आउँदै गरेको ना ७ ख १८३६ नम्बरको बसले किचेर घटनास्थलमै मृत्यु भएको सर्लाही प्रहरीले जनाएको छ ।

ठक्करपछि मोटरसाइकल चालक फरार भएकाले मृतकको पहिचान हुन नसकेको प्रहरीले जानकारी दिएको छ । प्रहरीले बस र चालकलाई नियन्त्रणमा लिएर थप अनुसन्धान गरिरहेको जनाएको छ ।

प्रकाशित मिति: आइतबार, मंसिर १७, २०८० १०:४७